Valamuli 16:20 - Bhiblia Yo Sawuleka

²⁰ Se Dhalila a to khene: “Ayiwee! Vafilista ndiva va kutelako Samusoni.” Se a to vhumuka ngu wukoheni kwakwe, a txi khene: “Ni na huma kambe ni konkuwa, ni ti hulukisa, kufana ni simwani sikhati.” Nguko ene a ti si ti zivi ti to Mkoma se a khukhile kwakwe.

Valamuli 16:20 Referans Kwoze

1 Samuwele 16:14

Se Moya wa Mkoma wu to khukha ka Sawule e sala a txi xaniswa ngu moya wo biha, wutako ngu ka Mkoma.

1 Samuwele 18:12

Sawule a ti thava Dhavhidha, nguko Mkoma a ti ni nene kambe a ti khukhile ka Sawule.

Joxuwa 7:12

Ngu mhaka yeto, vanana va ka Israyeli, kha va sikota kutsana masoni ka valala vawe; va to tutuma masoni ka valala vawe, ngako va nga ti nyenyezisa; kha ni na mbi va ni nanu, ngako mi si thavisi sile si nga yiliswa hagari kwanu.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Vakorinto 3:5

Hi nga ti to athu hipune, hi nga sikota kumana mialakanyo ya txilo, nga ya kukhukhela mtamoni kwathu. Ahim-him. Mtamo wathu wuta ngu ka Txizimu.

Hoseya 7:9

Vamatiko va mu haxulete ngu mtamo, kambe ene kha ti zivi; ni wunvi u mite txitimwi kwakwe, aniko ene kha ti zivi.

Isaya 42:24

I mani a nga ningela Jakobe kuva e handwa, ni Israyeli manzani ka makhamba kani? Ina hi nga Mkoma wule va nga muonhela, wule va nga lamba kutsimbila ngu nzila yakwe, va si engisi mlayo wakwe kani?

Valamuli 16:14

Se Dhalila a to tsanisa timbobo, e sunga aha ka txikhongwani, a txi khene: “Ayiwee! Vafilista ndiva va kutelako, Samusoni!” Sekoko a to vhumuka ngu wukoheni kwakwe, a txi dula txikhongwani aha ka timbobo, kumweko ni ngoti ya wupe wa nyazombe.

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Matewu 17:16

Ni mu nehile ka vagondiswa vako, aniko va mu tandi ku mu hanyisa.”

Valamuli 16:9

Se tixoli ti ti ti sisate amu nyumbani kwakwe. Sekoko ene a to m'gela ku khene: Ayiwee! Vafilista ndiva va kutelako, Samusoni! Sekoko a to bhenula tisinga tile, ti txi nga lingoti la wufemu li txi gweswa ngu mndilo; ngu kumaha keto, kha ka zivwa amu wu nga txi ta ngu kona mtamo wakwe.

Valamuli 16:3

Ti di ngeto, Samusoni a to otela kala hagari ka wusiku, se a txi wuka, kona hagariho ka wusiku, e gwanda misasimo yimbidi ya ditimba da didhoropa, kumweko ni sikhoto sa kona, a txi si pakata e tsula naso txitimwi ka mimango, awu wu ku masoni ka Hebroni.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Mitengo 14:9

Mi nga ti lambiseni mi wukela Mkoma, kambe mi nga thaveni vathu va ditiko diya, nguko vona va na va kudya kwathu; kha ku nga ho amu va no ya sisala kona, nguko Mkoma ana ni nathu; mi nga thave.

Valamuli 16:19

Sekoko Dhalila a to otelisa Samusoni ha mazoloni kwakwe, se a to dhana wamwamna wokari, a txi ta kuyula mtxhanu wa timbobo ni timbidi, ta ha msungo ka Samusoni; se a to khata ku mxanisa, se mtamo wakwe wu to khukha kwakwe.

Valamuli 16:21

Sekoko Vafilista va to mñola, va txi mxokolela maso, ve tsula nayo Gaza, se va to msunga ngu titxhini timbidi ta msuku, ni kuthuma ngu txigayo mkorani.

1 Samuwele 18:10

Se ku to maheka taku, ka dimwani ditshiku, moya wo biha wutako ngu ka Txizimu, wu to wulela ka Sawule, e khata kuprofeta nyumbani kwakwe; se Dhavhidha a ti veta txitende txakwe kufana ni mamwani masiku; Sawule koko, a ti ti ni ditxhari manzani kwakwe.