Valamuli 16:19 - Bhiblia Yo Sawuleka

¹⁹ Sekoko Dhalila a to otelisa Samusoni ha mazoloni kwakwe, se a to dhana wamwamna wokari, a txi ta kuyula mtxhanu wa timbobo ni timbidi, ta ha msungo ka Samusoni; se a to khata ku mxanisa, se mtamo wakwe wu to khukha kwakwe.

Valamuli 16:19 Referans Kwoze

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.

Valamuli 16:18

Ngako Dhalila a di ti woni ti to se a mtulete yotshe mbilu yakwe, a to rumela kuya dhana vathangeli va Vafilista, a txi va gela tiya: “Konkuwa ngonani, nguko se a ni tulete txotshe txihunja txa mbilu yakwe.” Se vathangeli va Vafilista va to tsula kwakwe, va di ni male manzani kwawe.

Valamuli 16:20

Se Dhalila a to khene: “Ayiwee! Vafilista ndiva va kutelako Samusoni.” Se a to vhumuka ngu wukoheni kwakwe, a txi khene: “Ni na huma kambe ni konkuwa, ni ti hulukisa, kufana ni simwani sikhati.” Nguko ene a ti si ti zivi ti to Mkoma se a khukhile kwakwe.