Valamuli 16:16 - Bhiblia Yo Sawuleka

¹⁶ Se ku to maheka taku, ngako Dhalila a nga ti ti mkulumela otshe masiku ngu mapswi akwe, a txi mkhokhonisa, moya wa Samusoni wu to pandiseka ngutu, a txi nga ova lifoni.

Valamuli 16:16 Referans Kwoze

Luka 18:5

ngako noni yiya yi tako yi txi ni kulumela, ni na yi lulamisela mhaka, kasiku yi si tshumeli yi ta, yi ta ni xupha.’ ”

Luka 11:8

“Na mi gela ku khani, hambi a txi lamba kuwuka, a ta mu ha mapawu ngu kuva i di mndoni wakwe, a na za a txi wuka ngu mhaka ya kusimamisa kwakwe, a txi mu ha si asi lavako.”

Marku 14:24

Ene kambe a va gete a txi khene: “Asiya mnoha wangu, mnoha wa txitumelelano, awu wu theketelwako vavangi.

Jona 4:9

Sekoko, Txizimu txi to kha txona ka Jona: Ina u nga za u pandiseka ngu mhaka ya thanga kani? Se ene a to xamula a txi khene: Ndinene ni pandiseka ni za ni navela kufa.

Jobe 21:4

Ina ani na dhuka ni ti bika ka m'thu wokari kani? Hambi i di kova toneto, moya wangu wu si xaniseki ngu txani kani?

Valamuli 16:15

Sekoko Dhalila a to khene kwakwe: “U nga wombisa kutxani tito: Ni ni lirando ni nawe, na kuve mbilu yako kha yi nga kwangu kani? Se nzikhati siraru u txi ni kanganyisa, kambe khu se ni gela aha wu ku kona mtamo wako.”

Valamuli 16:17

Se a to mtulela txotshe txihunja txa mbilu yakwe, a txi m'gela tiya: “Limo kha li zivi ku nga gwesa msungo wangu, nguko ni Mnazira wa Txizimu, kukhukhela mndani ka mame wangu; ngako yi txo kuyulwa misisi, eho mtamo wangu wu ndi na khukha kwangu, ni fana ni vamwani vathu.”

Valamuli 14:16

Se msikati wa Samusoni a to dila masoni kwakwe, a txi khene: “Awe wa ni nyenya, kambe khu ni randi; nguko u wombile thethekatheka yokari ka vanana va ka kwathu ti to va txi yi randula, aniko khwanzi ku ni gela txhamuselo ya kona.” Se ene a xamute a txi khene: “Wona taku, hambi ka tate wangu ni ka mame wangu kha na txhamusela, ina ni nga txhamusela awe kani?”

Valamuli 14:17

Se a to dila masoni kwakwe, amu ka mtxhanu wa masiku ni mambidi, mndani ka m'buso; ku to maheka koko taku, ka ditshiku da wutxhanu ni mambidi, Samusoni a to mtxhamusela, nguko a ti ti mxupha ngutu; sekoko ene a to ya txhamusela thethekatheka, ka vanana va ka kwawe.