Valamuli 16:15 - Bhiblia Yo Sawuleka

¹⁵ Sekoko Dhalila a to khene kwakwe: “U nga wombisa kutxani tito: Ni ni lirando ni nawe, na kuve mbilu yako kha yi nga kwangu kani? Se nzikhati siraru u txi ni kanganyisa, kambe khu se ni gela aha wu ku kona mtamo wako.”

Valamuli 16:15 Referans Kwoze

Valamuli 14:16

Se msikati wa Samusoni a to dila masoni kwakwe, a txi khene: “Awe wa ni nyenya, kambe khu ni randi; nguko u wombile thethekatheka yokari ka vanana va ka kwathu ti to va txi yi randula, aniko khwanzi ku ni gela txhamuselo ya kona.” Se ene a xamute a txi khene: “Wona taku, hambi ka tate wangu ni ka mame wangu kha na txhamusela, ina ni nga txhamusela awe kani?”

1 Johani 5:3

Nguko kuranda Txizimu ti womba kuveketa milayo ya txona; kambe milayo ya txona kha yi nemeli.

Johani 15:10

Ngako mi txi veketa milayo yangu, mi na zumba lirandoni kwangu, kufana ni nani, ni nga veketa milayo ya Tate wangu, se ni zumbako lirandoni kwakwe.”

Johani 14:15

“Ngako mi txi ni randa, mi na veketa milayo yangu.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Mavingu 2:16

kasi ku kutxhatxhisa ka wamsikati wa walo, kambe wa mamwani matiko, a tshambiselako ngu mapswi akwe,

2 Samuwele 16:17

Kambe Abhisalome a to khene ka Husayi: Ina ngu lona lirando lako li u randako mngana wako ngu lona kani? U lambete txani kutsula ni mngana wako kani?

Dhewuteronome 6:5

Ngu toneto, u na randa Mkoma, Txizimu txako, ngu yotshe mbilu yako, ngu wotshe moya wako, ni wotshe mtamo wako.

Genesisi 29:20

Ngu kumaha keto, Jakobe a to thumela Rakeli mtxhanu wa malembe ni mambidi; malembe awa a ma woni i di masiku amadotho, nguko a ti ti mramda ngutu.

Valamuli 16:14

Se Dhalila a to tsanisa timbobo, e sunga aha ka txikhongwani, a txi khene: “Ayiwee! Vafilista ndiva va kutelako, Samusoni!” Sekoko a to vhumuka ngu wukoheni kwakwe, a txi dula txikhongwani aha ka timbobo, kumweko ni ngoti ya wupe wa nyazombe.

Valamuli 16:16

Se ku to maheka taku, ngako Dhalila a nga ti ti mkulumela otshe masiku ngu mapswi akwe, a txi mkhokhonisa, moya wa Samusoni wu to pandiseka ngutu, a txi nga ova lifoni.

Nehemiya 6:4

Se ngu mamahelo eyo va to ruma vathu ve ta kwangu mune wa makhambi, ngu kumaha keto ni to va xamula.