Valamuli 16:14 - Bhiblia Yo Sawuleka

¹⁴ Se Dhalila a to tsanisa timbobo, e sunga aha ka txikhongwani, a txi khene: “Ayiwee! Vafilista ndiva va kutelako, Samusoni!” Sekoko a to vhumuka ngu wukoheni kwakwe, a txi dula txikhongwani aha ka timbobo, kumweko ni ngoti ya wupe wa nyazombe.

Valamuli 16:14 Referans Kwoze

Masalmo 106:43

Sikhati so tala Mkoma a va hulukisile, aniko vona va eyisile makungo akwe, ve ti beta ngutu mu kubihani kwawe.

Valamuli 16:13

Se Dhalila a to khene ka Samusoni: “Kala ni kuwa u ni poyite ngu ku ni gela makuhu; si gele koko kona kuwa, u nga sungwa ngu txani?” Ene a to xamula a txi khene: “Ngako u txi luka mtxhanu wa timbobo ni timbidi ta misisi ya ha msungo kwangu, ngu ngoti ya wupe wa nyazombe!”

Valamuli 16:15

Sekoko Dhalila a to khene kwakwe: “U nga wombisa kutxani tito: Ni ni lirando ni nawe, na kuve mbilu yako kha yi nga kwangu kani? Se nzikhati siraru u txi ni kanganyisa, kambe khu se ni gela aha wu ku kona mtamo wako.”