Valamuli 15:9 - Bhiblia Yo Sawuleka

⁹ Sekoko Vafilista va to kwela va txi ya gova ve wukela Judha, se va to hangalaka kala ditikoni ka Leki.

Valamuli 15:9 Referans Kwoze

Valamuli 15:19

Sekoko Mkoma a to bhandisa dirigwi di di nga ti tiho kona Leki; se ku to huma mati ngu ka dona, se e sela; se moya wakwe wu to wuya, a txi tshumela e hanya; ngu kumaha keto, a to raya ditina daku: Njisima Txa Wu a Dilako, atxi txi ku nga diho kona Leki kala ka ditshiku da nyamsi.

Valamuli 15:17

Se ku to maheka taku, na a di gwitile kuwombawomba, a to tshotsha lixaya ngu dianza dakwe, Se a to raya wukhalo wule taku i Ramate-Leki.

Valamuli 15:14

Se ngako a di hokile Leki, Vafilista va to m'hingeta, va txi giya ngu litsako; aniko Moya wa Mkoma wu to ta kwakwe ngu mtamo, se majoke ale va nga ti msungile ngu ona mawoko, ma to nyivilika nga tihinza ta linyu ti nga hiswa, se ni sifundo sa majoke si to thukunyuka mawokoni kwakwe, si txi wa.

Valamuli 15:8

Se a to va lwisa ngutu, e va funya minenge ni ti nyonga, vamwani e va daya ngu madayelo o thisa; se a to relela a txi ya zumba phakoni ka dirigwi da Etami.

Valamuli 15:10

Se vavamna va ka Judha va to wotisa ka Vafilista va txi kha vona: “Ngu kutxani mi txi hi tela mi di xomile kani?” Se Vafilista va to kha vona: “Hi tela ku ta sunga Samusoni, kasi ku mtshumetela ati ene a nga maha kwathu.”