Valamuli 15:6 - Bhiblia Yo Sawuleka

⁶ Sekoko Vafilista va to kha vona: “I mani a nga maha tona tiya kani?” Se vona va to xamula va txi kha vona: “I Samusoni, mwane wa Mutimina, nguko Mutimina a tekete msikati Samusoni, a txi mningela ka pheleketi yakwe.” Sekoko, Vafilista va to kwela veya hisa wule wamsikati, ni tate wakwe.

Valamuli 15:6 Referans Kwoze

Valamuli 14:15

Se ku to maheka taku, ka ditshiku da wutxhanu ni mambidi, va to kha vona ka msikati wa Samusoni: “Phungeletela mwamna wako e txhamusela thethekatheka ya kona, kasiku hi si ku hisi awe, ni nyumba ya tate wako; kasi anu mi hi dhanete ku ta hi honyolela si i ku sathu, hi nga tona eto kani?”

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Mavingu 22:8

Awule a phayako kubiha, a na elula sixaniso; se ndonga ya kuhenya kwakwe yi na funyelekela.

Valamuli 12:1

Sekoko vathu va ka Efrayime va to tshangana, ve txhatuka va txi ya wuphemba, se va txi kha vona ka Jefta: “Ngu kutxani u nga yalwa ni vanana va ka Amoni, kambe u si hi dhani hi tsula ni nawe kani? Hi na hisa nyumba yako ngu mndilo, kumweko ni nawe nyamne wa yona!”

Valamuli 15:5

Se a to turisa mndilo ka tisoso, se a txi va tshotsha thembweni ka Vafilista, ngu kumaha keto, a to hisa tinyanda ta fulaho yile yi nga elulwa, ni mivhinya, ni miolivha.

Valamuli 15:7

Sekoko Samusoni a to va gela a txi kha ene: “Ngako mi nga maha tiya, kha ni na mbi gwita ni sa phota kwanu.”