Valamuli 15:19 - Bhiblia Yo Sawuleka

¹⁹ Sekoko Mkoma a to bhandisa dirigwi di di nga ti tiho kona Leki; se ku to huma mati ngu ka dona, se e sela; se moya wakwe wu to wuya, a txi tshumela e hanya; ngu kumaha keto, a to raya ditina daku: Njisima Txa Wu a Dilako, atxi txi ku nga diho kona Leki kala ka ditshiku da nyamsi.

Valamuli 15:19 Referans Kwoze

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Genesisi 45:27

Kambe vona va to xawutela otshe mapswi ale Josefa a nga va gela, se mbimo yi a nga wona sikotxikani si Josefa a nga si rumela kasi kuya mteka, ngu kona moya wa tate wawe wu nga sala kuwuka.

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Isaya 40:29

A ninga mtamo ka wule a nga karala, kambe engetela mtamo ka wule asi ngako ni mtamo ni wa wudotho.

Isaya 40:26

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Masalmo 120:1

Kuxanisekani kwangu, ni pekile huwa ka Mkoma, se ene a ni engisile.

1 Samuwele 30:12

Va to mninga ni txibhutwana txa makuwa o oma, ni sizangwa simbidi sa mauvha e dya; se a to mana mtamo, nguko ku ti ti pindile masiku mararu ni wusiku wa kona a sa dya sakudya, ni kusela mati.

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”

Genesisi 30:30

Nguko asi sa sidotho u nga ti naso ni sinzi kuta, si engetetwe ngutu; ni Txizimu txi kukatekisile ngu mhaka yangu. Se konkuwa, ngu yihi mbimo ni no khata ngu yona kuthumela mwaya wangu kani?”

Genesisi 28:19

Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.

Genesisi 16:13

Se Hagari a to raya Mkoma wule a nga ti womba-womba nayo, ditina do khene: “Awe u Txizimu txo wonwa,” nguko u ti khawe: “Ina kha na wona Txizimu txi txi ni wonako kani?”

Mitengo 20:11

Sekoko Mosi a to gula diandza dakwe e peka dirigwi sikhati simbidi ngu ndonga yakwe, mati ma to pfhuruka, kuhuma mati o tala. Msengeletano wu to sela kumweko ni sifuyo sa wona.

Valamuli 15:9

Sekoko Vafilista va to kwela va txi ya gova ve wukela Judha, se va to hangalaka kala ditikoni ka Leki.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Masalmo 110:7

A di hanzila mfumeli a na sela mati a mlonga se mati ma na mninga mtamo wa kuxula.