Valamuli 15:15 - Bhiblia Yo Sawuleka

¹⁵ Se a to mana lixaya lo nakana la mbongola, e nawuluta dianza dakwe, a txi li rola, e daya ngu lona 1.000 wa vavamna.

Valamuli 15:15 Referans Kwoze

Joxuwa 23:10

M'thu mmweyo hagari kwanu, a na tutumisa 1.000 wa valala, nguko Mkoma Txizimu txanu, ngene apune a mi lwelako, nga ti a nga mi thembisa.

Levhi 26:8

Mtxhanu wa vathu va ka kwanu, va na tutumisa dizana, se 100 da va ka kwanu va na tutumisa 10.000; se valala vanu va na wiswa ngu ditxhari masoni kwanu.

Valamuli 3:31

Msana ka Ewudhi ku to londeta Samigari, mwana Anate, a nga daya 600 wa vavamna va Vafilista, ngu tshoka ya simbi yo gola ngu yona tihomu; kambe a txhatxhisile Israyeli.

1 Samuwele 14:14

Se kumaheka kuxula kuwa ko khata, Jonatani ni mrwali wa matxhari akwe va date vavamna va magumi mambidi, ka wukhalonyana wu dingana hafu ya txikwele txa thembwe, txo txi nga dimwa ngu tihomu timbidi.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

Valamuli 7:16

Sekoko Gidhiyoni a to abanisa vathu vakwe va 300 ngu mitxawa yiraru. Ka votshe a abanisete manzani kwawe, mipundu ni tidhuwa ta maphanga, ni misanje yo tura, ka tona.

Valamuli 4:21

Aniko Jayeli, msikati wa Hebheri, a to dula txikhongwani txa ditenda, a txa teka hamela, e tshuketa hafuhi ngu kumbzingamela, e txi gogotela hambanza ka Sisera, txi txi dhoda kala txi zima hahatshi ha mafuni. Nguko ene a ti ti otete wukohe wa hombe, ngu kukarala, a so fisa toneto.

Vahebheru 11:34

va timile midhikila ya mndilo, va hulukile kudawa ngu matxhari, amu ka dikhodho va mani mtamo, va hindukile ve maha tindena yimbini, va tovete mitxawa ya tiyimbi ta valala.

Valamuli 15:16

Sekoko Samusoni a to khene: Ngu lixaya limwelo la mbongola, ni date mmumbu, ni mimumbu yimbidi; ngu lixaya limwelo la mbongola, ni date 1.000 wa vavamna.

Valamuli 15:17

Se ku to maheka taku, na a di gwitile kuwombawomba, a to tshotsha lixaya ngu dianza dakwe, Se a to raya wukhalo wule taku i Ramate-Leki.

Levhi 26:7

Se mi na tutumisa valala vanu, avale va no dawa ngu matxhari a ditikoni kwanu.

2 Samuwele 23:8

Matina a tindena ti a nga ti nato Dhavhidha ngu awa: Josebhe-Bhasebheti, mwana Takemoni, wa hombe wa vathangeli va yimbi; awuwa i ti Adhino, muezini, a nga lwa ni 800 wa vavamna e va daya ngu mbimo yimweyo.