Valamuli 15:14 - Bhiblia Yo Sawuleka

¹⁴ Se ngako a di hokile Leki, Vafilista va to m'hingeta, va txi giya ngu litsako; aniko Moya wa Mkoma wu to ta kwakwe ngu mtamo, se majoke ale va nga ti msungile ngu ona mawoko, ma to nyivilika nga tihinza ta linyu ti nga hiswa, se ni sifundo sa majoke si to thukunyuka mawokoni kwakwe, si txi wa.

Valamuli 15:14 Referans Kwoze

Valamuli 14:19

Sekoko Moya wa Mkoma wu to ta wulela ka Samusoni ngu mtamo, se e relela a txi ya ka va ka Asikaloni, a ha a nga ya daya magumi mararu a vavamna hagari kwawe, se a txi teketela syambalo sawe, e ningela syambalo sa kubomba ngu sona, ka vale va nga randula thethekatheka; ngu kumaha keto, txi to tura txiviti txakwe, se e tshumelela m'tini ka tate wakwe.

Masalmo 118:11

Vona va ni randete ngu ka otshe madhawa, aniko ani ni va xute ngu ditina da Mkoma.

1 Samuwele 17:35

se ani ni ti huma ni yi tutumisa, ni yidaya, ni namuruta txifuyo mkanani ka yona; se yi txi ni wukela, ni ti ko yi ñola titshaya ni yi daya yifa.

1 Samuwele 11:6

Sekoko mbimo yile Sawule a nga pfa timhaka eto, Moya wa Txizimu wu to wulela kwakwe, se kuhenya kwakwe ku to tura ngutu.

Valamuli 14:6

Sekoko Moya wa Mkoma wu to wulela ngu mtamo, a txi txi bhanda kukhukhela txitimwi kala hahatshi, ku nga o bhanda phongo, na asi nga ni txilo manzani kwakwe; aniko kha womba txilo ka tate wakwe ni ka mame wakwe, ngu tile a nga ti ti mahile.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Mika 7:8

Awe mlala wangu wa txisikati, u nga tsakele dikhombo dangu; hambi ngako ani ni di wite, ni na wuka; ngako ni txi zumba txidemani, Mkoma a na va liwoningo langu.

Masalmo 18:34

Txa gondisa manza angu kulwa kambe txa gondisa manza angu kudomba wulaho wa koporo.

Jobe 20:5

litsako la vaonhi kha li sweli, ni kutsaka ka vakanganyisi nga mbimonyana kani?

1 Samuwele 4:5

Se ku to maheka tito, di di hokile dibhokiso da txitumelelano txa Mkoma wugoveloni, votshe va ka Israyeli va to tsaka ngu litsako la hombe, ha koza ni mafu me zinginika.

Valamuli 16:24

Kufana ni toneto, mbimo yile vathu va nga mu wona, va to khata kudhumisa txizimu txawe, va txi kha vona: “Txizimu txathu txi ningete Samusoni mlala wathu manzani kwathu, awu a nga txi xanisa ditiko dathu, a txi dayela vavangi va ka kwathu.”

Valamuli 16:12

Sekoko Dhalila a to teka majoke a maphya, e msunga ngu ona, se a txi m'gela ku kha ene: “Ayiwee! Vafilista ndiva va kutelako, Samusoni!” Se tixoli ti ti ti sisate amu nyumbani kwakwe. Aniko a to bhenula majoke mawokoni kwakwe, a txi nga o bhenula m'dhombe.

Valamuli 16:9

Se tixoli ti ti ti sisate amu nyumbani kwakwe. Sekoko ene a to m'gela ku khene: Ayiwee! Vafilista ndiva va kutelako, Samusoni! Sekoko a to bhenula tisinga tile, ti txi nga lingoti la wufemu li txi gweswa ngu mndilo; ngu kumaha keto, kha ka zivwa amu wu nga txi ta ngu kona mtamo wakwe.

Valamuli 5:30

Va nava va di kuphakelani ka si va nga handa kani? Wamwamna wammweyo, ina kha ningwa dihorana dimwendo mwendo mahorana mambidi, kani? Tinguwo to rungelwa ngu kutshuriselwa, nda Sisera, tinguwo to rungelwa ngu kutshuriselwa to bombisa thamo ya msikati wakwe.

Eksodha 14:5

Ngako mfumeli wa Egipta a di zivisilwe ti to vathu va thavile, mbilu ya Faro ni timbilu ta mahalamu akwe ti to txitxeka ve wukela vathu. Se vona va to womba va txi kha vona: “Hi mahile tiya ngu txani, hi txi leka va ka Israyeli ve tsula, ve leka ku hi thumela kani?”

Eksodha 14:3

Sekoko Faro a na khene ngu vanana va ka Israyeli: Va timete nzila ha mafuni, txiwula txi va ranganetile.

Valamuli 15:13

Se vona va to xamula va txi kha vona: “Ahim-him, aniko hi na kusunga ngutu, hi txi kuningela manzani kwawe; ngu kumaha keto, kha hi na mbi nga kudaya.” Se va to msunga ngu majoke mambidi a maphya, va txi mu humisa phakoni ka dirigwi.

Valamuli 15:9

Sekoko Vafilista va to kwela va txi ya gova ve wukela Judha, se va to hangalaka kala ditikoni ka Leki.

1 Samuwele 10:6

Se Moya wa Mkoma wu na wulela kwako, kambe u na profeta kumweko navo, u hunduka u va mmwani m'thu.

1 Samuwele 10:10

Se mbimo yile va nga hoka mmangoni, mtxawa wa vaprofeti wu to huma u va hingeta; aniko Moya wa Txizimu wu to wulela kwakwe, se e profeta hagari kwawe.