Valamuli 15:11 - Bhiblia Yo Sawuleka

¹¹ Sekoko 3.000 wa vavamna va ka Judha, va to relela kala phakoni ka dirigwi da Etami, va txi ya kha vona ka Samusoni: “Ina awe u ti si ti zivi ti to Vafilista ngu vona va hi fumako kani?” Ngu kutxani koko u nga hi mahela tiya kani? Se ene a to va gela tiya: Ni va mahile tiya, nga ti vona va nga ni mahela.

Valamuli 15:11 Referans Kwoze

Valamuli 14:4

Aniko tate wakwe ni mame wakwe, va ti si ti zivi ti to atiya ti txi ta ngu ka Mkoma; nguko a ti ti lava nzila ya kutsayisa Vafilista, ngako ka yona yile mbimo, Vafilista va ti ti fuma txitimwi ka Israyeli.

Valamuli 13:1

Se vanana va ka Israyeli va to engeta kumaha to biha masoni ka Mkoma, se Mkoma a to va ningela manzani ka Vafilista amu ka mune wa magumi a malembe.

Dhewuteronome 28:13

Se Mkoma a na kuveka kuva msungo, i si nga ka mkila, mbimo yotshe u na va u di txitimwi, i si nga kuva u di hahatshi, ngako u txi engisa ni kuvekisa sirumo sa Mkoma, Txizimu txako, asiya nyamsi ni ku leletako ti to u txi si vekisa, ni ku si londisa.

Levhi 26:25

Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

Dhewuteronome 28:43

Awule i ku mluveli a zumbako hagari kwanu, a na humelela ngutu txitimwi kwako, se awe u na wa ngutu hahatshi.

Valamuli 15:10

Se vavamna va ka Judha va to wotisa ka Vafilista va txi kha vona: “Ngu kutxani mi txi hi tela mi di xomile kani?” Se Vafilista va to kha vona: “Hi tela ku ta sunga Samusoni, kasi ku mtshumetela ati ene a nga maha kwathu.”

Valamuli 15:12

Se va to kha vona kwakwe: Hi tela ku ta ku sunga, hi kuningela manzani ka Vafilista. Sekoko Samusoni a to va gela tiya: “Xambanyani masoni kwangu, ti to kha mi na mbi ni daya.”

1 Makronika 4:3

Vanana va tate va Etami ngu vava: Jezireyeli, ni Isima, ni Idhibha; se ditina da ndiyawe i ti ti Hazeleliponi;