Valamuli 14:8 - Bhiblia Yo Sawuleka

⁸ Se msana ka masiku okari, Samusoni a to tshumela eya mteka, se a di hambukile hanzila, kuya wona ngonyamo ya kufa, a to wona ditshunzulu da tinombe ni wulombe, hammidi ka ngonyamo.

Valamuli 14:8 Referans Kwoze

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Genesisi 29:21

Se Jakobe a to womba ka Labhani, a txi khene: “Ni ninge msikati wangu, nguko yi gumile mbimo yi hi nga langana, kasiku ani ni txi tekana nayo.”

Valamuli 14:7

Se a to relela, a txi ya womba-womba ni wamsikati wule, se wamsikati a to tsakisa Samusoni.

Valamuli 14:9

Se to teka wulombe ngu manza akwe, e tsimbila a txi dya; se a to ninga tate wakwe ni mame wakwe, va txi dya ni vona, aniko kha va gela ti to a wu mani ha mmidi ka ngonyamo.

Mavingu 25:16

U wu mani wulombe kani? Dyana wo kudingana; kasi ku u si kolwi ngu wona, u tshumela u wu kosa.