Valamuli 14:6 - Bhiblia Yo Sawuleka

⁶ Sekoko Moya wa Mkoma wu to wulela ngu mtamo, a txi txi bhanda kukhukhela txitimwi kala hahatshi, ku nga o bhanda phongo, na asi nga ni txilo manzani kwakwe; aniko kha womba txilo ka tate wakwe ni ka mame wakwe, ngu tile a nga ti ti mahile.

Valamuli 14:6 Referans Kwoze

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

1 Samuwele 11:6

Sekoko mbimo yile Sawule a nga pfa timhaka eto, Moya wa Txizimu wu to wulela kwakwe, se kuhenya kwakwe ku to tura ngutu.

Valamuli 13:25

Se Moya wa Mkoma wu to khata ku muhumela a di digoveloni ka Dhani, hagari ka Zora ni Exitawoli.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Isaya 42:2

Kha na mbi dila, kha na mbi henya, hambi dipswi dakwe kha na mbi di pfalisa mitendelani.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

Valamuli 16:30

Se Samusoni a to khene: “Ni nafe ani, ni Vafilista!” Se a to nama ngu mtamo, se nyumba yi to wa txitimwi ka vathangeli, ni txitimwi ka vathu votshe vale va nga ti ti maneka ka yona; se mbavangi vathu va a nga va daya kufani kwakwe, kupinda vale a nga va daya, kuhanyani kwakwe.

Valamuli 15:15

Se a to mana lixaya lo nakana la mbongola, e nawuluta dianza dakwe, a txi li rola, e daya ngu lona 1.000 wa vavamna.

Valamuli 15:8

Se a to va lwisa ngutu, e va funya minenge ni ti nyonga, vamwani e va daya ngu madayelo o thisa; se a to relela a txi ya zumba phakoni ka dirigwi da Etami.

Valamuli 11:29

Sekoko konako Moya wa Txizimu, wu to khandama ka Jefta, se Jefta a to tshawunyeta ditiko da Gileyadhi ni da Manasi, a txi pinda ngu Misipa wa Gileyadhi a txi ya ditikoni ka va ka Amoni.

Vahebheru 11:33

Vona, ngu likholo, va xute matiko, va lamute ngu kululama, va mani asi va nga ti thembisilwe sona, va vhate sisofu sa tingonyamo,

Valamuli 14:5

Samusoni koko a to relela ni tate wakwe ni mame wakwe, va txi ya Timina; se na va di hokile mivhinyani ka Timina, ku to humelela txingonyamwana, na txi txi bhonga.

Valamuli 14:7

Se a to relela, a txi ya womba-womba ni wamsikati wule, se wamsikati a to tsakisa Samusoni.

1 Samuwele 10:6

Se Moya wa Mkoma wu na wulela kwako, kambe u na profeta kumweko navo, u hunduka u va mmwani m'thu.

Masalmo 91:13

U na kandetela ngonyamo ni mnyoka; ni kukandetela ngu mikondo txingonyamwana ni mnyoka.

Valamuli 14:19

Sekoko Moya wa Mkoma wu to ta wulela ka Samusoni ngu mtamo, se e relela a txi ya ka va ka Asikaloni, a ha a nga ya daya magumi mararu a vavamna hagari kwawe, se a txi teketela syambalo sawe, e ningela syambalo sa kubomba ngu sona, ka vale va nga randula thethekatheka; ngu kumaha keto, txi to tura txiviti txakwe, se e tshumelela m'tini ka tate wakwe.

1 Samuwele 10:16

Se Sawule a to khene ka tatanyani wakwe: A to hi gela ditshuri do timbongola ti manekile. Kambe timhaka ta wukoma tile Samuwele a nga ti womba, kha m'gela.

1 Samuwele 14:1

Se ku to maheka, koko, taku ka ditshiku dimwani Jonatani mwana Sawule, a to gela mfana wule a nga ti ti mrwalela matxhari, a txi khene: Ngono, hi tsula ka vawoneleli va Vafilista, vaku ngu didhawa da kheya. Kambe Jonatani kha gela tate wakwe.