Valamuli 14:3 - Bhiblia Yo Sawuleka

³ Aniko tate wakwe ni mame wakwe, va to kha vona kwakwe: “Ina kha ku nga wamsikati hagari ka vanana vamahorana a vananu, hambi hagari ka votshe vathu vangu, aha koza awe u txi ya lava msikati ka Vafilista, ka vona vale va kwa mbi ya wukwerani kani?” Aniko Samusoni a to khene ka tate wakwe: “Ni lowoleleni wuwa, nguko ngene a ni tsakisako.”

Valamuli 14:3 Referans Kwoze

1 Samuwele 17:36

Se txithumi txako txi ti dayiseto ngonyamo mwendo ursu; ni na mahisa toneto ka Mufilista wuwa wa kwa mbi yiswa wukwerani kufana ni tximwetxo txa sihari, ngu kule a nga ruketela mabutho a tiyimbi a Txizimu txi txi hanyako.

Valamuli 15:18

Se ngako a nga ti tipfa ditora da hombe, a to dila ka Mkoma a txi khene: “Ngu dianza da txithumi txako, awe u ningile kuhanyisa; konkuwa koko, ani ni na fa ngu ditora, ni na wa manzani ka vona va va kwa mbi ya wukwerani kani?”

2 Samuwele 1:20

Mi nga geleni va Gati, Mi nga nuweleni tiruwani ka Asikeloni, kasiku va si tsaki vanana vamahorana va Vafilista, va si ndakandaki vanana vamahorana va makhuto.

1 Samuwele 31:4

Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasiku vanyamakhutu vava va si ti ve ta ni daya ni ku ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.

1 Samuwele 17:26

Sekoko Dhavhidha a to womba ka vavamna vale a nga ti ti navo, a txi khene: Mi na mmahela txani wamwamna wule a no daya Mufilista wuwa, e thavisa txiruko txitimwi ka Israyeli kani? Kasi i mani Mufilista wuwa, wa kwa mba yiswa wukwerani, wo a nga ruketela mabutho a yimbi a Txizimu txo hanya kani?

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

Genesisi 34:14

Vona va va gete va txi kha vona: “Kha hi sikoti ku ti maha eto: Kuningela ndiyathu ka dikhutu, nguko hagari kwathu ta yila.

Genesisi 13:8

Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

Genesisi 21:27

Abrahamu a to teka tinvuta ni tihomu e ninga Abhimeleki, se ngu wumbidi wawe va to maha txitumelelano.

Valamuli 14:2

a to kwelela a txi ya zivisa mhakeyo ka tate wakwe ni ka mame wakwe, a txi khene: “Ni woni wamsikati kona Timina, hagari ka vanana vamahorana va Vafilista, konkuwa koko ni lowoteni, kasiku a txi maha msikati wangu.”

Joxuwa 23:12

Nguko, mi txi hambuka, mwendo kunamarela ka vamatiko va va nga sala hagari kwanu, mi txi tekelana navo vasikati, anu mi teka kwawe, ni vona ve teka kwanu,