Valamuli 14:20 - Bhiblia Yo Sawuleka

²⁰ Se msikati wa Samusoni, a to ningelwa ka pheleketi yakwe, yile yi nga ti ti mpangalata.

Valamuli 14:20 Referans Kwoze

Valamuli 15:2

Nguko tate wakwe a ti khene ka Samusoni: “Ngu ditshuri ani ni pimisile ti to awe khuswi u txi mlava; niza ni mningela ka pheleketi yako; ina mnanda wakwe kha tshura kupinda ene kani? Teka ene ha wukhaloni kwakwe.”

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

Johani 13:18

“Kha ni wombi ngu nganu motshe; na va ziva ava ni nga va sawula. Aniko ta laveka ti to Mibhalo yi tatiseka, ayi yi kha yona: ‘Awu a dyako mndiwo ni nani, a ni wukete a txi ni ganyata ngu txizenende txakwe.’

Mika 7:5

Mi nga kholweni ka mngana, hambi kuthemba mthangeli wanu; tsivela wule a otelako hakhana kwako, bundamisa txisofu txako.

Jeremiya 9:5

Vona votshe va kanganyisana, kha va wombawombi ditshuri; va gondisile tidimi tawe kuhemba makuhu, ve ti karata ngu kumaha kubiha.

Valamuli 15:6

Sekoko Vafilista va to kha vona: “I mani a nga maha tona tiya kani?” Se vona va to xamula va txi kha vona: “I Samusoni, mwane wa Mutimina, nguko Mutimina a tekete msikati Samusoni, a txi mningela ka pheleketi yakwe.” Sekoko, Vafilista va to kwela veya hisa wule wamsikati, ni tate wakwe.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

1 Samuwele 18:19

Ku to maheka taku, mbimo yi Merabhe, mwanana wa Sawule, a nga ti dingana kuningelwa ka Dhavhidha, a to ya ningelwa ka Adriyeli, wa Meyolati.