Valamuli 14:2 - Bhiblia Yo Sawuleka

² a to kwelela a txi ya zivisa mhakeyo ka tate wakwe ni ka mame wakwe, a txi khene: “Ni woni wamsikati kona Timina, hagari ka vanana vamahorana va Vafilista, konkuwa koko ni lowoteni, kasiku a txi maha msikati wangu.”

Valamuli 14:2 Referans Kwoze

Genesisi 34:4

Sikemi a to womba ka Hamori, tate wakwe, a txi khene: “Ni lowolele mbiri yiya, yi txi maha msikati wangu.”

Genesisi 21:21

Ene a to zumba txiwulani ka Parani, se mame wakwe a to mtekela msikati wa ditikoni ka Egipta.

2 Vafumeli 14:9

Sekoko Jehowasi mfumeli wa ka Israyeli, e rumela dipswi ka Amaziya mfumeli wa ka Judha a txi khene: Mpa wule wu ku Libhanoni wu to rumela dipswi ka mkedhari wu ku Libhanoni daku kha wona: Ningela mwanana wako eva msikati wa mwanana wangu; aniko sihari sa txitinga si nga ti ti Libhanoni, si to pinda si kandetela mkedhari.

Genesisi 38:6

Judha a to tekela Eri mwanakwe wa matiwula, msikati, a nga ti dhanwa ku i Tamari.

Valamuli 14:1

Se Samusoni a to relela a txi ya Timina; kona Timina kheyo, a to ya wona wamsikati, hagari ka vanana vamahorana va Vafilista,

Valamuli 14:3

Aniko tate wakwe ni mame wakwe, va to kha vona kwakwe: “Ina kha ku nga wamsikati hagari ka vanana vamahorana a vananu, hambi hagari ka votshe vathu vangu, aha koza awe u txi ya lava msikati ka Vafilista, ka vona vale va kwa mbi ya wukwerani kani?” Aniko Samusoni a to khene ka tate wakwe: “Ni lowoleleni wuwa, nguko ngene a ni tsakisako.”

Jeremiya 29:6

Tekani vasikati, mi txi veleka sizambzana ni sihoranana; lowotani vafana vanu vasikati, ni kuningela mahorana anu ma txi tekwa ngu vavamna; va txi veleka sizambzana ni sihoranana; andani kheyo, mi nga hungulekeni.