Valamuli 14:18 - Bhiblia Yo Sawuleka

¹⁸ Vavamna va didhoropa dile koko, ka ditshiku da wutxhanu ni mambidi, na ditambo di sanzi kuswa, va to m'gela va txi kha vona: “Njimaha muni txi kuho txo lombela ngutu, kupinda wulombe kani? Niku nji txani txi kuho txa mtamo ngutu, kupinda ngonayamo kani? Se Samusoni a to va xamula a txi kha ene: I ti ku mi sa dima ngu dirole dangu, mi sa nga thuka mi di hutile thethekatheka yangu.”

Valamuli 14:18 Referans Kwoze

Valamuli 14:17

Se a to dila masoni kwakwe, amu ka mtxhanu wa masiku ni mambidi, mndani ka m'buso; ku to maheka koko taku, ka ditshiku da wutxhanu ni mambidi, Samusoni a to mtxhamusela, nguko a ti ti mxupha ngutu; sekoko ene a to ya txhamusela thethekatheka, ka vanana va ka kwawe.

Valamuli 14:19

Sekoko Moya wa Mkoma wu to ta wulela ka Samusoni ngu mtamo, se e relela a txi ya ka va ka Asikaloni, a ha a nga ya daya magumi mararu a vavamna hagari kwawe, se a txi teketela syambalo sawe, e ningela syambalo sa kubomba ngu sona, ka vale va nga randula thethekatheka; ngu kumaha keto, txi to tura txiviti txakwe, se e tshumelela m'tini ka tate wakwe.

2 Samuwele 1:23

Sawule ni Jonatani va ti ti dhundana ni kurandana ngutu kuhanyani kwawe, hambi kufani kwawe kha va hambana! Va ti ti ni livilo ngutu kupinda magama, ni mtamo ngutu kupinda tingonyamo.

Mavingu 30:30

Ngonyamo, i ku ya mtamo ngutu hagari ka sihari, kha yi tshumetelwi msana ngu m'thu;

Masalmo 81:16

Kambe ni ndi na mninga fulaho ya yinene ngutu, ni mkhurisa ngu wulombe wo huma ngu mu ka dirigwi.”

Ezekhiyele 1:10

Se khohe ya txona yi ti ti fana ni khohe ya m'thu; ka dianza da txinene, sotshe sa mune si ti ti ni tikhohe ta tingonyamo, ka dianza da txibhabha sotshe si ti ti ni tikhohe ta tihomu, ni khohe ya digama, sotshe sa mune.