Valamuli 14:17 - Bhiblia Yo Sawuleka

¹⁷ Se a to dila masoni kwakwe, amu ka mtxhanu wa masiku ni mambidi, mndani ka m'buso; ku to maheka koko taku, ka ditshiku da wutxhanu ni mambidi, Samusoni a to mtxhamusela, nguko a ti ti mxupha ngutu; sekoko ene a to ya txhamusela thethekatheka, ka vanana va ka kwawe.

Valamuli 14:17 Referans Kwoze

Valamuli 16:16

Se ku to maheka taku, ngako Dhalila a nga ti ti mkulumela otshe masiku ngu mapswi akwe, a txi mkhokhonisa, moya wa Samusoni wu to pandiseka ngutu, a txi nga ova lifoni.

Luka 11:8

“Na mi gela ku khani, hambi a txi lamba kuwuka, a ta mu ha mapawu ngu kuva i di mndoni wakwe, a na za a txi wuka ngu mhaka ya kusimamisa kwakwe, a txi mu ha si asi lavako.”

Mavingu 7:21

A mndindile ngu kutala ka mapswi akwe, ngu kutshambisela ka txisofu txakwe a mkurumetile.

Jobe 2:9

Sekoko msikati wakwe, a to khene: U ngadi tsani ka wunene wako kani? Ruketela Txizimu, u txi fa.

Valamuli 16:13

Se Dhalila a to khene ka Samusoni: “Kala ni kuwa u ni poyite ngu ku ni gela makuhu; si gele koko kona kuwa, u nga sungwa ngu txani?” Ene a to xamula a txi khene: “Ngako u txi luka mtxhanu wa timbobo ni timbidi ta misisi ya ha msungo kwangu, ngu ngoti ya wupe wa nyazombe!”

Valamuli 16:6

Dhalila koko a to womba ka Samusoni, a txi khene: “Na ku kombela, ni gela tito, wuta ngu hani mtamo wako wa hombe, ni ti taku u nga sungwa ngu txani kasi kusikota ku kuxanisa.”

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Valamuli 14:16

Se msikati wa Samusoni a to dila masoni kwakwe, a txi khene: “Awe wa ni nyenya, kambe khu ni randi; nguko u wombile thethekatheka yokari ka vanana va ka kwathu ti to va txi yi randula, aniko khwanzi ku ni gela txhamuselo ya kona.” Se ene a xamute a txi khene: “Wona taku, hambi ka tate wangu ni ka mame wangu kha na txhamusela, ina ni nga txhamusela awe kani?”

Valamuli 14:18

Vavamna va didhoropa dile koko, ka ditshiku da wutxhanu ni mambidi, na ditambo di sanzi kuswa, va to m'gela va txi kha vona: “Njimaha muni txi kuho txo lombela ngutu, kupinda wulombe kani? Niku nji txani txi kuho txa mtamo ngutu, kupinda ngonayamo kani? Se Samusoni a to va xamula a txi kha ene: I ti ku mi sa dima ngu dirole dangu, mi sa nga thuka mi di hutile thethekatheka yangu.”

Jeremiya 9:3

Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.

Mika 7:5

Mi nga kholweni ka mngana, hambi kuthemba mthangeli wanu; tsivela wule a otelako hakhana kwako, bundamisa txisofu txako.