Valamuli 14:14 - Bhiblia Yo Sawuleka

¹⁴ Sekoko, ene a to va gela a txi khene: “Ngu ka wule a dyako kuhumile sakudya, se ngu ka wule a ku ni mtamo kuhumile so lombela.” Se mndani ka masiku mararu, kha va si sikota kurandula thethekatheka.

Valamuli 14:14 Referans Kwoze

1 Vafumeli 17:6

Se ni mixo magwana ma ti m'heleketela mapawu ni nyama, se ni minova kambe ma ti m'heleketela mapawu ni nyama; se a txi sela mati a txinambwanani.

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Mithumo 8:31

Aniko ene a to khene: “Ni nga ti pfisisa kutxani, ngako ni si na mtxhamuseli kani?” Se a to kombela Filipi ku e kwela a ta khalahatsha kumweko nayo.

Matewu 13:11

Se ene a to va xamula a txi khene. “Nguko anu mi ningilwe kuziva misisalo ya Mfumo wa nzumani, aniko vona kha va ningwa txilo.

Mavingu 24:7

Wutxhari wu txitimwi ngutu, kha wu manelwi ngu txiphukuphuku; txi tandeka ni kutula txisofu banzani.

2 Makronika 20:25

Se Josafati ni vathu vakwe va to honyolela sotshe simaha sa valala vawe. Ve mana thomba yayingi ni sirumbi sasingi, ni siya sa lisima; Mthumo wuwa u hetile masiku maruru, nguko simaha sa kona i ti sasingi ngutu.

2 Makronika 20:2

Sekoko vathu vamwani va to ya gela Josafati va txi kha vona: Wa telwa ngu vathu vavangi ngutu, ngu mtxhatuko ka linene ni ka Siriya; konkuwa va maneka (Hazozomi-Tamari, i ku Eni-Gedhi).

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Valamuli 14:13

Se ngako mi txi tandeka ku ni randulela, anu mi na ni ninga magumi mararu a tinguwo, ni magumi mararu a syambalo sa kubomba ngu sona.” Aniko vona va to xamula va txi kha vona: “Hi gele thethekatheka yako hi txi yi engisa, hi na randula.”

Valamuli 14:15

Se ku to maheka taku, ka ditshiku da wutxhanu ni mambidi, va to kha vona ka msikati wa Samusoni: “Phungeletela mwamna wako e txhamusela thethekatheka ya kona, kasiku hi si ku hisi awe, ni nyumba ya tate wako; kasi anu mi hi dhanete ku ta hi honyolela si i ku sathu, hi nga tona eto kani?”