Valamuli 14:12 - Bhiblia Yo Sawuleka

¹² Samusoni koko, a to va gela tiya: “Ni lava ku mi mahela thethekatheka yokari, mi na randula, se ngako mi txi yi tumbula ni ku ni randulela mndani ka mtxhanu wa masiku ni mambidi a m'buso, ni na mi ninga magumi mararu a tinguwo, ni magumi mararu a syambalo sa kubomba ngu sona.

Valamuli 14:12 Referans Kwoze

Ezekhiyele 17:2

Awe mwanana wa m'thu, maha txidinganiso ka nyumba ya ka Israyeli.

1 Vafumeli 10:1

Se mbimo yile mfumeli wa txisikati wa Sabha a nga pfa nduma ya Solomoni, madingano ni ditina da Mkoma, a tile e ta m'hika ngu siwotiso so karata.

Genesisi 45:22

Mmwani ni mmwani kwawe a mningile syambalo sa siphya, aniko Bhenjamini a mningile mazana mararu a male ya maxekele silivhela, ni syambalo sa mtxhanu so txitxa ngu sona.

2 Vafumeli 5:22

Se Gehazi a nje khene: I thenga; nyamne wangu a ni rumile ku ta kugela taku: Wona konakuwa va bwakile vafana vambidi, i ku vanana vavaprofeti, ngu mmangoni ka Efrayime; va ninge koko talenta yimweyo ya silivhela, ni syambalo simbidi.

2 Vafumeli 5:5

Se mfumeli wa Siriya a to khene: Kuluveta u tsula, u ya ningela dipasi diya ka mfumeli wa ka Israyeli. Se manzani kwakwe a ti ti ni digumi da titalenta ta silivhela, ni 6.000 wa maxekele a nzalama, ni digumi da syambalo so tshura.

Mavingu 1:6

kasi kupima mavingu ni ku ma txhamusela ka kona, kumweko ni mapswi a titxhari, ni kuhutetela ka kona.

Jakobe 5:2

Tithomba tanu ti sinile, syambalo sanu si dyitwe ngu sumba. Nzalama yanu ni silivhela yanu si dyitwe ngu kubhirela ka mafu.

1 Vakorinto 13:12

Nguko, konkuwa, so maha hi si wonela kule kota nga kule ka kulavetetela ngu txibuko. Kambe ka yoneyo mbimo, ku nata va kuwonana ka khohe ni khohe. Konkuwa, na ziva ka kudotho, kambe ka yoneyo mbimo, ni nata ziva nga ti nanani ni ziviswako tona ngu Txizimu.

Johani 16:29

Vagondiswa vakwe va to kha vona kwakwe: “Wona taku konkuwa, u womba-womba u txi txhamusa, khu nga ngadi u txi womba-womba ngu sidinganiso.

Luka 14:7

Jesu a to maha txidinganiso txiya ka vale va nga ti rambilwe, ngu kuwona ati va nga txi langisa tona makhalo o thanga, a txi khene kwawe:

Matewu 27:28

se va txi mtshambula syambalo sakwe, ve mu ambalisa nguwo yo bhilivila.

Matewu 13:34

Totshe timhaka tiya Jesu a ti wombile ngu sifananiso ka dibutho; a ti si va geli txilo, na i si nga ngu sifananiso;

Matewu 13:13

Ngu toneto, ni wombako navo ngu sidinganiso; nguko va wona, aniko kha va wonisisi; va engisa aniko kha va engisisi ni kupimisa.

Matewu 6:19

“Mi nga ti sengeleteleni tithomba ha mafuni, ahawa kubhirela ni sumba si dyako, ni hawa makhokhokho ma dolako ma txi pa.

Ezekhiyele 20:49

Sekoko ani ni to khani: Yowe! Awe Mkoma Txizimu! Vona va womba tiya ngu ngani: Ina hi nga ene wu wa kuwombetela sifananiso dwe kani?

Masalmo 49:4

Ni na engisisa tigondo ta wuzivi ni na txhamusela wuzivi wuwa ngu kuveta ka txitende.

2 Makronika 7:8

Ka mbimo yoneyo, Solomoni a to maha m'buso, wa mtxhanu wa masiku ni mambidi, a di kumweko ni votshe va Israyeli, dibutho dahombe, kukhukhela txidingeni ka Hamati kala ka mnambo wa Egipta.

Valamuli 14:11

Se ku to maheka taku, mbimo yi va nga mu wona, va to langa magumi mararu a tipheleketi, ti txi ta mpangalata.

Valamuli 14:13

Se ngako mi txi tandeka ku ni randulela, anu mi na ni ninga magumi mararu a tinguwo, ni magumi mararu a syambalo sa kubomba ngu sona.” Aniko vona va to xamula va txi kha vona: “Hi gele thethekatheka yako hi txi yi engisa, hi na randula.”

Mavingu 31:24

Wa luka simaha sa disedha do hehuka e si xavisa, ni kuninga tibhande ka vale va xavako.