Valamuli 13:6 - Bhiblia Yo Sawuleka

⁶ Sekoko wamsikati a to wulela e womba-womba ni mwamna wakwe, a txi khene: M'thu wa Txizimu a tile kwangu, a txi wonekisa kuthisa ko fana ni ka Ngelozi ya Txizimu; aniko kha na mu wotisa taku a txi ta ngu hani, hambi ene kha ni gela ditina dakwe.

Valamuli 13:6 Referans Kwoze

1 Samuwele 9:6

Aniko ene a to m'gela tiya: Wona taku, ku ni m'thu wa Txizimu ka didhoropa diya, kambe mbwa mwamna wa wudhumo; totshe ti a wombako ta maheka, kha ti tandeki. Hi tsimbile konkuwa kwakwe, kutilava a na ya hi komba nzila yi hi felako kutsimbila ngu yona.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Mithumo 6:15

Sekoko votshe va va nga ti khate ha banzani ka wukoma va to mu ronokela ngu maso ve wona khohe yakwe yi txi fanana ni ya ngelozi.

Luka 9:29

Ku ti ngako a txi khongela, khohe yakwe yi to phinduka, tinguwo takwe ti basa, ti txi phatima.

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Dhaniyeli 10:11

Se a to khene kwangu: Dhaniyeli, wamwamna wo dhundeka ngutu, pfisisa kha kwati mhaka yi ni kugelako. Khukha u txi ema, nguko nyamsi ni rumilwe kwako. Se a txi nga txi womba-womba ni nani mapswi awa, ani ni ti to dhudhumela.

Dhaniyeli 10:5

se ni to gula maso angu ni wona, ni to wona wamwamna wule a nga ti ambate syambalo sa linyu, a di sungile txiwunu txakwe ngu libhande la nzalama ho hehuka ya Ufazi.

Dhaniyeli 8:17

Aniko a to ta hafuhi ni ha ni nga ti kona, se a txi ngadi a txi ta ni to wa ngu khohe yangu ngu kuthava; kambe ene a to khene kwangu: Pfisisa awe mwanana wa m'thu, nguko txiwoniso txiya txi na tatiseka ngu mbimo yo gwita.

2 Vafumeli 4:9

Wamsikati wule a to khene ka mwamna wakwe: Ni wona taku awu a tolovelako kupinda ngu hawa, mbwamwamna wo sawuleka wa Txizimu.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

2 Vafumeli 4:16

Se Elixa a to khene: Ka yona yiya mbimo, hi txi hanya, u na hingekela mwanana wa mfana. Awule wamsikati a to peka huwa a txi khene: Lambi, awe tata, m'thu wa Txizimu, u nga hembele txithumi txako!

1 Vafumeli 17:24

Sekoko wamsikati a to khene ka Elija: Se na tiziva koko taku u m'thu wa Txizimu, ni ti taku dipswi da Txizimu txisofuni kwako ditshuri.

1 Vafumeli 17:18

Se ene a to khene ka Elija: Njitxani ni ku natxo ni nawe, awe m'thu wa Txizimu kani? U tile kasi ku ta ni wusela wusiwana wangu, u daya mwanana wangu kani?

1 Samuwele 2:27

Se kutota m'thu wa Txizimu ka Eli, a txi ta m'gela tiya: Mkoma a womba tiya: Ina kha na tikomba ngu ditshuri, ka nyumba ya tate wako, va ka Israyeli va di ngadi Egipta, nyumbani ka Faro, kani?

Valamuli 13:22

Se Manowa a to khene ka msikati wakwe: “Ngu ditshuri hi na fa, ngu ku hi nga wona Txizimu!”

Valamuli 13:8

Sekoko koneko Manowa a to kombela ka Mkoma, a txi khene: O! Nyamne wangu, na ku kombela ti to m'thu wa Txizimu, awule u nga mruma, a na engete a txi ta kwathu kambe, a txi ta hi gondisa ti hi dinganako ku ti maha ka mfana wu a no velekwa.

Joxuwa 14:6

Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene: Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Eksodha 3:2

Ngelozi ya Mkoma yi to woneka ka Mosi ngu mu ka m'dhikila wa mndilo, hagari ka txipopo. Mosi a to txi wonisisa, e wona ti to txipopo txa tura ngu mndilo, kambe txipopo kha txi gumi ngu kuhya.

Genesisi 32:29

Jakobe a muwotisile, a txi khene: “Na ku kombela ni gele ditina dako.” Aniko ene a to mxamula, a txi khene: “Ngu kutxani u txi ni wotisa ditina dangu kani?” Se a to mkatekisa kona hale.

Genesisi 18:2

Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe

Valamuli 6:11

Sekoko Ngelozi ya Mkoma, yi to ta yi txi ta zumba hahatshi ka mkusu wu wu ku Ofira ka Jowasi, wa lihunzu la ka Abhiyezeri. Gidhiyoni, mwanana wakwe, a ti ti hula fulaho amu dipipani, kasi ku yi hulukisa ka Vamidhiyani.

Valamuli 13:3

Se Ngelozi ya Mkoma yi to ti wonekisa ka wu wa wamsikati, yi txi m'gela tiya: “Wona taku u txi fule, khu khali ku va ni vanana; aniko, u na mana txirumbu u txi veleka mwanana wa mfana.”

Valamuli 13:7

Aniko ene a ni gete ku khene: “Wona taku u na mana txirumbu, u veleka mwanana wa mfana; konkuwa koko, u nga sele vhinya hambi sopa; kambe u nga dye ni txihi txo yila; nguko mfana a na va i di munazira wa Txizimu, kukhukhela mndani ka mame wakwe, kala ka ditshiku da kufa kwakwe!”

Valamuli 13:10

A to kuluveta koko wamsikati e tutuma, a txi ya zivisa mwamna wakwe, a txi khene: “Wona taku m'thu wule a nga ta kwangu dile, a tile kambe.”