Valamuli 13:22 - Bhiblia Yo Sawuleka

²² Se Manowa a to khene ka msikati wakwe: “Ngu ditshuri hi na fa, ngu ku hi nga wona Txizimu!”

Valamuli 13:22 Referans Kwoze

Dhewuteronome 5:26

Nguko i mani a nga engisa, kufana ni nathu, dipswi da Txizimu txi txi hanyako, txi txi womba-womba hagari ka mndilo, e tama a txi hanya kani?

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Johani 5:37

Nene Tate wu a nga ni ruma, a mahile wufakazi ngu ngani. Anu txima kha mi zivi kupfa dipswi dakwe, hambi ni kuwona txiemo txakwe ni ditshiku ni da dimwedo.

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Eksodha 33:20

A to engeta a txi khene: Khu na mbi sikota kuwona khohe yangu, nguko kha ku nga ni m'thu a ni wonako, e zumba a txi hanya.

Valamuli 6:22

Sekoko Gidhiyoni a ti woni ti to i Ngelozi ya Mkoma. Se a to womba a txi khene: “Yowe! Mkoma Txizimu! Ni woni Ngelozi ya Mkoma, khohe ni khohe!”

Dhewuteronome 4:38

A tutumisile masoni kwako, vathu va va ku palako ngu wuhombe ni mtamo, kasi ku ku wuleta awe ditikoni kwawe, adi a nga kuninga awe, di txi maha thomba yako, nga ti kala ni nyamsi i ku toneto.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Eksodha 24:9

Mosi, ni Aroni, ni Nadhabhi, ni Abhiyu, ni madhota a mtxhanu wa magumi ni magumi mambidi va to kwela va txi ya mmangoni,

Eksodha 24:10

se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.