Valamuli 13:20 - Bhiblia Yo Sawuleka

²⁰ Se ku to maheka taku, mbimo yile dituro da mndilo di nga kwela ngu ha txiluveloni di komba nzumani, Ngelozi ya Mkoma yi to kwela ngu kona hale ka dituro da ha txiluveloni; ngako Manowa ni msikati wakwe va di ti woni, va to wa hahatshi ngu tikhohe tawe.

Valamuli 13:20 Referans Kwoze

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

2 Vafumeli 2:11

Se mbimo yile va nga txi tsimbila na va txi bhula, ku to humelela txikotxikani txa mndilo ni mahantxhi a mndilo, si txi va dhawukanisa, se Elija a kwelisileto nzumani, ngu mu ka txihuhuri.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

Matewu 17:6

Mbimo yi va nga engisa mapswi awa, vagondiswa va to wa hahatshi ngu timbanza, va txi telwa ngu dizowa da hombe ngutu.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

1 Makronika 21:26

Sekoko Dhavhidha a to aka koneho txiluvelo txa Mkoma, e ningela ka txona miphaxo ya kuhiswa ni miningelo ya kudikha, e dhana Mkoma, awule a nga mxamula ngu mndilo wa nzumani txitimwi ka txiluvelo txa mphaxo wa kuhiswa.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Dhaniyeli 10:9

Hambi keto, ni to pfa dipswi da timhaka takwe; se ni di pfite dipswi da timhaka takwe ni to wa hahatshi ngu khohe yangu ni tsivala.

Ezekhiyele 1:26

Se txitimwi ka ndengalenga yile yi nga ti ti txitimwi ka misungo ya sona, ku ti ti ni txitulu txa wukoma txo nga dirigwi da safira; se txitimwi ka txile txo fana ni txitulu txa wukoma, ku ti ti ni txo fana ni m'thu, ngu txitimwi ka kona.

Masalmo 47:5

Txizimu txi txhatukile txitimwi hagari ka mikulungwani ni kuvetwa ka mpundu!

Valamuli 6:19

Se Gidhiyoni a to huma a txi ya lulamisa phongo, ni mpimo wa efa wa mpupu, a to maha mapawu o mbi tshumbelwa. E veka nyama amu ka thavangu, e thela mro amu ka khadi, a txi si tisa sotshe hahatshi ka mkusu, e ta si ningela ka ngelozi, ayi yi nga ti mrinzete.

Valamuli 6:21

Ti ndi ngeto, konako, Ngelozi ya Mkoma yi to xungameta ngu tshoka ya ndonga yi nga ti ti nayo manzani, yi gwesa ngu yona nyama ni mapawu o mbi tshumbelwa. Mndilo wu to huma ngu ha ka dirigwi wu txi tura, wu txi hisa nyama ni mapawu o mbi tshumbelwa, se Ngelozi ya Mkoma yi to mwalala, yi si woneki masoni kwakwe.

1 Makronika 21:21

Dhavhidha a to ta ka Orinani, se Orinani a to wona Dhavhidha, e huma ngu wuhuleloni, eya khizama masoni ka Dhavhidha e namisa khohe hahatshi.