Valamuli 13:1 - Bhiblia Yo Sawuleka

¹ Se vanana va ka Israyeli va to engeta kumaha to biha masoni ka Mkoma, se Mkoma a to va ningela manzani ka Vafilista amu ka mune wa magumi a malembe.

Valamuli 13:1 Referans Kwoze

1 Samuwele 12:9

Aniko va divate Mkoma, Txizimu txawe; sekoko a va ningete manzani ka Sisera, mthangeli wa dibutho da yimbi ya Hazori, ni manzani ka Vafilista, ni manzani ka mfumeli wa va ka Mowabhi, vale va nga lwa navo.

Valamuli 6:1

Aniko vanana va ka Israyeli, va to engeta ve maha kubiha masoni ka Mkoma; se Mkoma a to va ningela manzani ka Vamidhiyani, amu ka mtxhanu wa malembe ni mambidi.

Varoma 2:6

txona Txizimu txi txi nota tshumetela mmwani ni mmwani, madingano ni mithumo yakwe.

Valamuli 3:7

Se vanana va ka Israyeli va to maha kubiha masoni ka Mkoma, ve divala Mkoma, Txizimu txawe, aniko ve thumela Vabhahali ni Asterote.

Valamuli 2:11

Sekoko, vanana va ka Israyeli va to maha kubiha masoni ka Mkoma; se va to thumela va ka Bhahali.

Valamuli 10:6

Sekoko vanana va ka Israyeli va to khateta kambe kumahetela kubiha masoni ka Mkoma. Se va to thumela Vabhahali, ni Vaastarote, ni sizimu sa Vasiriya, ni sizimu sa Vasidhoni, ni sizimu sa Vamowabhi, ni sizimu sa Vaamoni, ni sizimu sa Vafilista, kambe va to tshuralela Mkoma, va si mkhozeli.

Valamuli 4:1

Aniko vanana va ka Israyeli, va to simama va maha kubiha masoni ka Mkoma, msana ka kufa ka Ewudhi.

Jeremiya 13:23

Ina Muetiyopiya a nga txitxa mxowo wakwe kani? I di ku ngeto, nanu mi nga sikota kumaha tinene, anu mi nga tolovela kumaha kubiha.

Vahebheru 11:32

Nji txani kambe ni fanelako kuwomba, kani? Nguko mbimo, nga yi si dingani ti to ni womba mahungu ngu ta Gidhiyoni, ni Bharake, ni Samusoni, ni Jafete, ni Dhavhidha, ni Samuwele, ni vaprofeti.

Valamuli 12:15

Sekoko Abhidhoni, mwana Hileli, Mpiratoni, a to fa, a txi ya tshotshwa Piratoni, ditikoni ka Efrayime, mmangoni ka Vaamaleki.

Valamuli 15:11

Sekoko 3.000 wa vavamna va ka Judha, va to relela kala phakoni ka dirigwi da Etami, va txi ya kha vona ka Samusoni: “Ina awe u ti si ti zivi ti to Vafilista ngu vona va hi fumako kani?” Ngu kutxani koko u nga hi mahela tiya kani? Se ene a to va gela tiya: Ni va mahile tiya, nga ti vona va nga ni mahela.

Valamuli 15:20

Se Samusoni a to lamula Israyeli amu ka masiku a Vafilista, magumi mambidi a malembe.

1 Samuwele 4:9

Tsanani anu Vafilista, mi va vavamna, kasiku mi si thuki mi thumela Vahebheru, nga kule ni vona va nga mi thumela; Tikombeni koko ku mi vavamna, milwa.

1 Samuwele 7:13

Ngu kumaha keto, Vafilista va to xulwa ve si swi ve wuya kambe mihinganoni ka Israyeli, nguko dianza da Mkoma di to wukela Vafilista ka otshe masiku a Samuwele.

Valamuli 10:7

Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.

Valamuli 14:4

Aniko tate wakwe ni mame wakwe, va ti si ti zivi ti to atiya ti txi ta ngu ka Mkoma; nguko a ti ti lava nzila ya kutsayisa Vafilista, ngako ka yona yile mbimo, Vafilista va ti ti fuma txitimwi ka Israyeli.