Valamuli 12:3 - Bhiblia Yo Sawuleka

³ Se mbimo yile ni nga wona ti to kha ma ni hulukisa, kha na khatala ngu wutomi wangu, ni to tsula ni txi yalwa ni vanana va ka Amoni, se Mkoma to va ningela manzani kwangu; ngu kutxani koko nyamsi mi ni wukelako, mi txi lava kulwa ni nani kani?”

Valamuli 12:3 Referans Kwoze

Jobe 13:14

Njitxani txi nga ni mahako ni ñola nyama yangu ngu makwasa, se ni veka wutomi wangu manzani kwangu kani?

1 Samuwele 28:21

Sekoko wamsikati a to ta ka Sawule, a di woni to Sawule wa thava ngutu, a to m'gela ku khene: Wona taku, txithumi txako txi engisile dipswi dako, ni vekile wutomi wangu manzani kwangu, ni engisile mapswi ale u nga ni gela.

1 Samuwele 19:5

Nguko a ningetile wutomi wakwe e daya Vafilista, ni Mkoma a txhatxhisile votshe va ka Israyeli; awe upune wu ti woni u tsaka; ngu kutxani koko, u lava kuonha ngu kuwukela mnoha wa kwa mbi na mnandu, ngu kudaya Dhavhidha asi na txigelo kani?

Masalmo 119:109

Wutomi wangu wu ha phangoni yotshe mbimo, aniko kha ni divali mlayo wako.

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Varoma 16:4

ava va nga ti ha phangoni ka kufa ngu kulava kuponisa wutomi wangu; hi nga ani nokha ni va bongako, aniko ni mabanza otshe a vamatiko.

2 Makronika 13:12

Wonani Txizimu txi ni nathu masoni kwathu, vaphaxeli va txona va veta mipundu kasi ku mi hangalasa; vanana va ka Israyeli mi nga lweni ni Mkoma Txizimu txa va tate vanu, nguko kha mi na mbi mu xula.

Valamuli 11:27

Ngu mhaka ya eto, ani kha na kuonhela, aniko awe ngawe u ni vhukako ngu ku ni xomela matxhari, u txi lava kulwa ni nani; Mkoma i ku mlamuli a na lamula nyamsi hagari ka vanana va ka Israyeli ni vanana va ka Amoni.

Valamuli 9:17

(nguko tate wangu a mi lwete, a txi ningela wutomi wakwe kasi ku mi hulukisa manzani ka Vamidhiyani;

Valamuli 12:2

Se Jefta a to va gela ku khene: “Ani ni vathu vangu hive ni kulwisana ka hombe, ni vanana va ka Amoni; kambe ni mi dhani, aniko kha ma ni hulukisa manzani kwawe.

Valamuli 12:4

Se Jefta a to tshanganisa votshe vavamna va Gileyadhi, a txi lwa ni Efrayime, se vavamna va ka Gileyadhi, va to daya va ka Efrayime; nguko mbimo yile va ka Gileyadhi va nga ti hagari ka Efrayime ni Manasi, va to kha vona: “Anu mi to tutuma ka Efrayime.”