Valamuli 12:1 - Bhiblia Yo Sawuleka

¹ Sekoko vathu va ka Efrayime va to tshangana, ve txhatuka va txi ya wuphemba, se va txi kha vona ka Jefta: “Ngu kutxani u nga yalwa ni vanana va ka Amoni, kambe u si hi dhani hi tsula ni nawe kani? Hi na hisa nyumba yako ngu mndilo, kumweko ni nawe nyamne wa yona!”

Valamuli 12:1 Referans Kwoze

Valamuli 8:1

Sekoko vathu va ka Efrayime va to womba ka Gidhiyoni va txi kha vona: “I mhaka muni u nga mbi hi ramba mbimo yi u nga huma u txi yalwa ni Vamidhiyani kani?” Va to kanetisana nayo ngu mtamo ngutu.

Jakobe 3:16

Nguko, ahawa ku ku ni wukhuxu ni mibhando, ku na tumbuluka mazunga ni totshe tixaka ta sionho.

Johani 10:32

Jesu a to va xamula, a txi khene: “Ni mi kombisile mithumo yo tala, yo tshura, ayi yi humako ngu ka Tata. Mi lava ku ni balisela ngu wuhi ka yona, kani?”

Valamuli 14:15

Se ku to maheka taku, ka ditshiku da wutxhanu ni mambidi, va to kha vona ka msikati wa Samusoni: “Phungeletela mwamna wako e txhamusela thethekatheka ya kona, kasiku hi si ku hisi awe, ni nyumba ya tate wako; kasi anu mi hi dhanete ku ta hi honyolela si i ku sathu, hi nga tona eto kani?”

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Masalmo 109:4

Va ni tshumetela lirando langu ngu livengo; aniko ani no khongela dwe.

Valamuli 15:6

Sekoko Vafilista va to kha vona: “I mani a nga maha tona tiya kani?” Se vona va to xamula va txi kha vona: “I Samusoni, mwane wa Mutimina, nguko Mutimina a tekete msikati Samusoni, a txi mningela ka pheleketi yakwe.” Sekoko, Vafilista va to kwela veya hisa wule wamsikati, ni tate wakwe.

Valamuli 11:40

Kukhukhela konako ku to tumbuluka mkhuwo ka va ka Israyeli, wa ti to dilembe ni dilembe, timbiri ta ka Israyeli ti huma amu ka mune wa masiku, ti txi ya saluka mwanana wa Jefta wa dihorana, mugileyadhi.

Valamuli 12:2

Se Jefta a to va gela ku khene: “Ani ni vathu vangu hive ni kulwisana ka hombe, ni vanana va ka Amoni; kambe ni mi dhani, aniko kha ma ni hulukisa manzani kwawe.

Hoseya 13:1

Mbimo yile Efrayime a txi womba-womba, ku ti ti dhudhumelwa; a guletilwe kona Israyeli; kambe ene a ti ningile m'nandu ngu Bhahali se a txi fa.

Marku 3:24

Ngako mfumo wu txi ti abanisa ngu hagari, ewo mfumo kha wu na kutsana.