Valamuli 11:5 - Bhiblia Yo Sawuleka

⁵ Sekoko ku to maheka taku va ka Amoni va txi lwa ni va ka Israyeli, madhota a Gileyadhi ma to khukha ma txi ya lava Jefta, ditikoni ka Tobha.

Valamuli 11:5 Referans Kwoze

1 Samuwele 11:12

Sekoko vathu va to kha vona ka Samuwele: I mani wule a nga ti ti khene Sawule kha na mbi fuma txitimwi kwathu kani? Hi ningeni vathuvo hi va daya.

Valamuli 10:9

Hambi vanana va ka Amoni va to txhatuka Jordhani, va txi yalwa ni va ka Judha, ni va ka Bhenjamini, ni va nyumba ya ka Efrayime; aha ka kuza Israyeli e mana kuxaniseka ka hombe.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Valamuli 11:4

Se ku to maheka taku, msana ka masiku okari, vanana va ka Amoni va to xoma, va txi yalwa ni va ka Israyeli.

Valamuli 11:6

Se ma to kha ona ka Jefta: “Ngono, u ta maha mthangeli wathu, kasi ku hi txi lwa ni vanana va ka Amoni.”

2 Samuwele 10:8

Se vanana va ka Amoni va to huma veya fola ha txikeni ka nyumba, kambe Vasiriya va Zobha ni Reyobhe, ni vavamna va Tobhe ni va Mahaka, va ti ngu didhawa ka thembweni.

2 Samuwele 10:6

Mbimo yile koko, vanana va ka Amoni va nga wona taku va vangile livengo la hombe hagari kwawe ni Dhavhidha; vanana va ka Amoni va to rumela kuya ramba 20.000 wa vavamna vo tsimbila ngu mikondo va Vasiriya ka Bheti-Reyobhe ni Vasiriya ka Zobha, ni 1.000 wa vavamna va mfumeli Mahaka, ni 12.000 wa vavamna va Tobhe.