Valamuli 11:35 - Bhiblia Yo Sawuleka

³⁵ A hale Jefta a nga mu wona, a to vharula syambalo sakwe na a txi dila, a txi khene: “Yowe! Mwanangu! U ni thete wusiwana kuhanyani kwangu ko pandiseka! Awe u hagari ka vale va ni xanisako. Nguko ni mahile txi thembiso ka Mkoma, kha ni sikotiko kutshumelela msana!”

Valamuli 11:35 Referans Kwoze

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

2 Samuwele 18:33

Sekoko mfumeli a to xaniseka ngutu mbiluni kwakwe; e kwelela eya ka nyumba yi yi nga ti txitimwi ka txike eya dila; a txi tsimbila, a ti ti khene; Mwanangu Abhisalome, mwanangu, mwanangu Abhisalome! Ngu kutxani ku nga mbi fa ani ka wukhalo wako, Abhisalome mwanangu, mwanangu!

Mithumo 23:14

Se va to ya ka vaphaxeli va hombe ni ka madhota, va txi ya kha vona kwawe: “Hi sungile txikungo, hi txi ti kurumeta ngu kuxambanya hi txi khathu kha hi na kudya txilo na hi sinzi kudaya Paulo.

2 Samuwele 3:31

A to khene koko, Dhavhidha ka Jowabhi ni ka vathu vale a nga ti ti navo: Vharulelani syambalo sanu; mi sunga tinguwo ta masaka mi mdila Abhineri. Se mfumeli Dhavhidha a to londisela txithathe txi txi nga ti rwate txirumbi.

Mitengo 14:6

Se Joxuwa, mwana Nune, ni Kalebhi, mwana Jefoni, va to vharulela simaha sawe, nguko mbamwevo va vale va nga ti tsute kuya xola ditiko.

Joxuwa 7:6

Sekoko Joxuwa a to vharula syambalo sakwe, a txi namisa khohe yakwe ha mafuni, masoni ka dibhokiso da Mkoma, kala ni minova, ene ni madhota a ka Israyeli; kambe va to ti vhungela dikhuma ha misungoni kwawe.

Masalmo 66:13

Ni na phaxa mhamba ya sihari, amu nyumbani kwako ni tatisa sixambanyo si ni nga si maha,

Masalmo 66:14

sithembiso si ani nipune ni nga ku mahela, mbimo yi ni nga ti kuxuphekani.