Valamuli 11:34 - Bhiblia Yo Sawuleka

³⁴ Mbimo yi Jefta a nga ti wuya m'tini kwakwe ka Misipa, mwanana wakwe wa dihorana a to huma a txi ya mu hingeta na a txi sinya ni kuveta singomana. I ti ti mwanana wakwe wammweyo ekha wa dihorana, hahanze kwakwe a ti sina mmwani mwanana wa mfana hambi wa dihorana.

Valamuli 11:34 Referans Kwoze

Jeremiya 31:4

Ni na kuaketa, u na va u di akilwe, awe wotuma wa Israyeli; u na tshumela u txi ti longisela sikhiti, u txi huma kuya sinya ngu kutsaka.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Valamuli 11:11

Ngu kumaha keto, Jefta a to tsula ni madhota a Gileyadhi. Se vathu va to m'veka kuva msungo ni mthangeli wawe; kambe Jefta a to womba otshe mapswi akwe masoni ka Mkoma, kona Misipa.

Valamuli 10:17

Se vanana va ka Amoni va to rambana va txi ya gova Gileyadhi. Ni vona va ka Israyeli va to sengeletana va txi ya gova Misipa.

Masalmo 68:25

Vaembeleli va thangela masoni ni vaveti va sivetaveta msana; hagari ka vona ku ni mahorana, ma vetako singomana.

Luka 9:38

Se wamwamna a nga ti hagari ka dibutho, a to kwangula, a txi khene ka Jesu: “M'gondisi, na ku kombela, ngono u ta wona mwanana wangu, nguko ngene ekha ni ku nayo.

Luka 8:42

nguko a ti ni mwanana wa txihoranana wammweyo ekha, wa tanga yo lava kuhoka ka digumi da malembe ni mambidi, a nga ti hafuhi ni kufa.

Luka 7:12

Mbimo yi a nga hoka ha diphangoni ka didhoropa, a to manana ni vathu, va nga txi huma, va txi heleketa m'thu wa kufa, awu i nga ti mwanana wammweyo ekha wa mame wakwe wa noni; vavangi va kuhuma didhoropani va ti kumweko nayo mame wule wa noni.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Masalmo 150:4

M'dhumiseni ngu tingoma ni kusinya; m'dhumiseni ngu sivetaveta sa tingoti ni misengele!

Valamuli 21:21

Se ngako mi txi wona vanana vamahorana va Silo, va txi huma ngu mitxawa kuya sinya, nanu mi na huma ngu mu ka mivhinya, se mmwani ni mmwani kwanu, a na ti ñolela msikati, ka mahorana a Silo, mi txi wuya navo ditikoni ka va ka Bhenjamini.

2 Samuwele 6:14

Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu.

Joxuwa 18:26

Misipa, Kafira ni Mosa,

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.