Valamuli 11:3 - Bhiblia Yo Sawuleka

³ Sekoko Jefta a to tutuma a txi thava vanakwe, se a txi ya zumba ditikoni ka Tobha; kambe vavamna vokari va sindaka-milayo va to patana ni Jefta, va txi xoma kumweko nayo.

Valamuli 11:3 Referans Kwoze

Valamuli 9:4

Se va to mninga mtxhanu wa magumi ni mambidi a maxekele a silivhela, ma nga ti dithepeleni ka Bhahali-Bheriti, se Abhimeleki a to thumisa maleyo, kasi kuthola ngu yona migewu yokari ya mahanyelo a kwa mbi na ditshuri, ve ema nayo, va txi mlondeta.

2 Samuwele 10:8

Se vanana va ka Amoni va to huma veya fola ha txikeni ka nyumba, kambe Vasiriya va Zobha ni Reyobhe, ni vavamna va Tobhe ni va Mahaka, va ti ngu didhawa ka thembweni.

2 Samuwele 10:6

Mbimo yile koko, vanana va ka Amoni va nga wona taku va vangile livengo la hombe hagari kwawe ni Dhavhidha; vanana va ka Amoni va to rumela kuya ramba 20.000 wa vavamna vo tsimbila ngu mikondo va Vasiriya ka Bheti-Reyobhe ni Vasiriya ka Zobha, ni 1.000 wa vavamna va mfumeli Mahaka, ni 12.000 wa vavamna va Tobhe.

1 Samuwele 22:2

Se votshe vathu vale va nga ti ti xaniseka, ni votshe vathu vale va nga ti ni minandu, ni votshe vathu vale va nga ti ni moya wo biha, va to sengeletana kwakwe, se ene e va mthangeli wawe; vale a nga ti na vo i ti vo dingana 400 wa vavamna.

Mithumo 17:5

Aniko Vajudha va to tala ngu wukwele, ve kujetela vavamna vokari va migewu, ava va nga ramba dibutho ve wusa dizunga didhoropani; se ve randela nyumba ya Jasoni, va txi lava Paulo ni Silasi kasi ku va yisa masoni ka vathu.

1 Samuwele 27:2

Sekoko Dhavhidha a to khukha kumweko ni 600 wa vathu vale a nga ti navo veya ka Akisi, mwana Mahoki, mfumeli wa Gati.

Valamuli 11:2

Nene msikati wa Gileyadhi, a m'velekete vanana, se mbimo yi vanana va wu wamsikati va nga kula, va to tutumisa Jefta, va txi m'gela ku kha vona: “Khu na mbi va ni thomba nyumbani ka tate wathu, nguko u mwanana wa mmwani wamsikati.”