Valamuli 11:29 - Bhiblia Yo Sawuleka

²⁹ Sekoko konako Moya wa Txizimu, wu to khandama ka Jefta, se Jefta a to tshawunyeta ditiko da Gileyadhi ni da Manasi, a txi pinda ngu Misipa wa Gileyadhi a txi ya ditikoni ka va ka Amoni.

Valamuli 11:29 Referans Kwoze

Mitengo 11:25

Mkoma a to txhika ngu mu ka direfu, e ta womba-womba ni Mosi; se e teka moya wakwe e wu thela ka madhota ale a mtxhanu wa magumi ni mambidi. Se mbimo si moya wu nga wulela ka vathu, vona va to profeta; hambi keto, kha va nga engeta ve profeta kambe.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

1 Makronika 12:18

Sekoko Moya wu to wulela ka Amasayi, mthangeli wa va magumi mararu, wu txi kha wona: Athu hi vako, awe Dhavhidha! Kambe hi ni nawe, awe mwana Jese! Kudikha, kudikha ku nave ni nawe! Kudikha ku nave ni vale va ku vhunako! Txizimu txako txa kuvhuna. Se Dhavhidha a to va amukela e va maha vathangeli va mabutho a yimbi.

1 Samuwele 10:10

Se mbimo yile va nga hoka mmangoni, mtxawa wa vaprofeti wu to huma u va hingeta; aniko Moya wa Txizimu wu to wulela kwakwe, se e profeta hagari kwawe.

Valamuli 13:25

Se Moya wa Mkoma wu to khata ku muhumela a di digoveloni ka Dhani, hagari ka Zora ni Exitawoli.

Valamuli 10:17

Se vanana va ka Amoni va to rambana va txi ya gova Gileyadhi. Ni vona va ka Israyeli va to sengeletana va txi ya gova Misipa.

Valamuli 6:34

Sekoko Moya wa Mkoma, wu to ta ka Gidhiyoni; ene a to veta mpundu, a txi ramba va ka Abhiyezeri kasi kuve tshangana kwakwe.

Genesisi 31:49

Awu rayilo kambe ditina daku i Misipa, nguko a ti khene: “Mkoma a nave muwoneleli hagari kwangu ni nawe, ngako hi txi hambana mmwani ni mmwani.”

Valamuli 11:11

Ngu kumaha keto, Jefta a to tsula ni madhota a Gileyadhi. Se vathu va to m'veka kuva msungo ni mthangeli wawe; kambe Jefta a to womba otshe mapswi akwe masoni ka Mkoma, kona Misipa.

Valamuli 11:28

Aniko mfumeli wa va ka Amoni kha engisa txilo ka mapswi awa Jefta a nga mrumela.

Valamuli 11:30

Se Jefta a to maha txixambanyo ka Mkoma, a txi khene: Ngako u txi ningela va ka Amoni manzani kwangu,

1 Samuwele 11:6

Sekoko mbimo yile Sawule a nga pfa timhaka eto, Moya wa Txizimu wu to wulela kwakwe, se kuhenya kwakwe ku to tura ngutu.

1 Samuwele 12:11

Se Mkoma a to rumela Jerubhahali ni Bhedhani, ni Jefite, ni Samuwele e mi txhatxhisa manzani ka valala vanu vale va nga mi randela, se mi zumba mi di tsani.