Valamuli 11:26 - Bhiblia Yo Sawuleka

²⁶ Ku na ni 300 wa malembe, na va ka Israyeli va di akile kona Hesibhoni ni sidhoropanani ka kona, Aroweri ni sidhoropanani ka kona, ni ka otshe madhoropa awa ma ku mabambe ka mnambo wa Arinoni. Ngu kutxani u nga mbi mtekela otshe matiko awa mndani ka ona malembe awa kani?

Valamuli 11:26 Referans Kwoze

Dhewuteronome 2:36

Kukhukhela Aroweri, ku ku mabambe ka mlonga wa Arnoni, ni didhoropa di di ku hagari ka mkova kala Gileyadhi, kuwalo didhoropa di athu hi nga mbi wulela ka dona; Mkoma, Txizimu txathu, a hi ningile otshe madhoropa masoni kwathu.

Valamuli 10:8

Se ka dona edo dilembe, va to xupha ni kuxanisa vanana va ka Israyeli; va va xanisile mndani ka digumi da malembe ni mtxhanu ni mararu, votshe vanana va ka Israyeli, avale va nga ti akile mtxhatuko ka Jordhani, ditikoni ka Vaamori, kona Gileyadhi.

Valamuli 9:22

Nguko Abhimeleki a di fumile malembe mararu txitimwi ka va ka Israyeli,

Valamuli 8:28

Ti di nga eto Vamidhiyani va khozisilwe ngu va ka Israyeli, va si ngadi kambe ve guleta msungo; ditiko ni dona di zumbiseka amu ka malembe a mune wa magumi, ka mbimo yotshe ya kuhanya ka Gidhiyoni.

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.

Valamuli 3:30

A khozisisilwe eto Mowabhi kedo ditshiku, hahatshi ka dianza da Israyeli; se ditiko di to dikha mndani ka mtxhanu wa magumi ni magumi mararu a malembe.

Valamuli 3:11

Sekoko ditiko di to humula mune wa magumi a malembe; se Otoniyeli, mwana Kenazi, a to fa.

Joxuwa 23:1

Ngako ku di pindile mbimo yo lapha, msana ka kuva Mkoma a di humutile Israyeli kulwa ni votshe valala vakwe va nga ti hafuhi nayo, na se Joxuwa a di kumbile ngutu,

Joxuwa 13:10

ni madhoropa otshe a Seyoni, mfumeli wa Vaamori, awule a nga ti fumile Hesibhoni, kala muhinganoni ka vanana va ka Amoni:

Joxuwa 12:5

a ti ti fuma mmangoni ka Hermoni ni Salika, ni dotshe da Bhasani, kala ka muhingano wa ditiko da Bhexure, ni da Mahakate, ni hafu ya Gileyadhi, kala ka mihingano ya Seyoni, mfumeli wa Hesibhoni.

Joxuwa 12:2

Seyoni mfumeli wa Vaamori, a nga ti akile Hesibhoni a ti ti fuma kukhukhela Aroweri hafuhi ka txinambwana txa Arnoni, kukhukhela hagari ka txinambwana ni kukhukhela ka hafu ya Gileyadhi, kala txinambzanani ka Jobhaki, i ku muhingano wa vanana va Amoni;

Joxuwa 11:18

Joxuwa a lwite ni votshe vafumeli vale, ka mbimo yo lapha ngutu.

Dhewuteronome 3:6

Se hi ma hoxotile, nga ti hi nga maha ka Seyoni, mfumeli wa Hesibhoni, hi haxulete otshe madhoropa, vavamna, vavasikati ni vanana.

Dhewuteronome 3:2

Sekoko Mkoma a ni gete a txi khene: “U nga thave, nguko ani ni mningela manzani kwako, ene ni vathu vakwe votshe ni ditiko dakwe. U na maha kwakwe nga ti u nga maha ka Sehoni, mfumeli wa Vaamori, awule a nga ti akile Hesibhoni.”

Dhewuteronome 2:24

Khukhani mi tsula, mi txi txhatuka txinambwana txa Arnoni. Wona, ni mningete manzani kwako, Seyoni, mfumeli wa Hesibhoni, Muamori, ni ditiko dakwe; khata ngu ngene u txi mkhozisa; u mtekela ditiko.

Mithumo 13:19

Ngako txi di fuvisile mtxhanu wa mifumo ni yimbidi ditikoni ka Kanana, txi to va ninga ditiko dile, di maha thomba yawe,

Joxuwa 13:16

Se wu to maha muhingano wa kona, wu khukhela Aroweri, mabambe ka txinambwana txa Arnoni, ni didhoropa di di ku hagari ka mkova, ni lotshe libala, kala Medhabha,

Joxuwa 13:17

Hesibhoni ni otshe madhoropa a kona, ma manekako libalani: Dhibhoni, Bhamoti, Bhahali, Bheti-Bhahali-Meyoni,

Jeremiya 48:19

Ema hanzila u txi xiya, awe u zumbako Aroweri: Wotisa ka wule a tutumako; ni ka wule a nga huluka u txi khawe: Ku to maheka txani kani?