Valamuli 11:24 - Bhiblia Yo Sawuleka

²⁴ Khu na mbi fumela matiko ale txizimu txako Kamosi txi nga kuninga, u txi ma khozisa kani? Ngu toneto, athu hi na xayisa sotshe si Mkoma, Txizimu txathu, a nga tekela vamwani a txi hi ninga.

Valamuli 11:24 Referans Kwoze

Mitengo 21:29

Ddikhombo kwako awe Mowabhi! U timete awe ditiko da Kemosi! U ningete vanana vanu ve tutuma, ni mahorana anu ka wukhumbi wa Sihoni, mfumeli wa Vaamori.

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

Joxuwa 3:10

Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi.

Dhewuteronome 18:12

ni wihi wule koko a mahetelako totshe tiya, njiyenyeko ka Mkoma; se ngu mhaka ya sinyenyeko siya, Mkoma Txizimu txako, a na va tshotsha kule ni nawe vathu vava.

Jeremiya 48:46

Dikhombo kwako Mowabhi; va lovile vathu va Kemoxe; nguko vanana vako va mahilwe tikhumbi, ni mahorana ako ma wukhumbini.

Jeremiya 48:7

Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Valamuli 10:6

Sekoko vanana va ka Israyeli va to khateta kambe kumahetela kubiha masoni ka Mkoma. Se va to thumela Vabhahali, ni Vaastarote, ni sizimu sa Vasiriya, ni sizimu sa Vasidhoni, ni sizimu sa Vamowabhi, ni sizimu sa Vaamoni, ni sizimu sa Vafilista, kambe va to tshuralela Mkoma, va si mkhozeli.

Valamuli 11:23

Sekoko nga ku Mkoma Txizimu txa ka Israyeli, a nga honyola ka va ka Amori ditiko dawe, a txi di ningela ka vathu vakwe va ka Israyeli, se awe ngawe u no hi tekela kani?

Rute 1:15

Sekoko Nowemi a to khene: “Wona, mtekwakuloni a tshumelete ka va ka kwawe, ni ka sizimu sawe; tshumela na nawe, u mlondeta.”

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Valamuli 2:1

Se Ngelozi ya Mkoma yi to khukha Giligali yi kwelela Bhokimi, se yi txi kha yona: Ni mi humisile Egipta, ni txi mi tisa ka ditiko di, ni nga xambanya kuninga vatate vanu, ni txi khani: “Kha ni na mbi thuka ni fuvisa txitumelelano txangu ni nanu.