Valamuli 11:21 - Bhiblia Yo Sawuleka

²¹ Se Mkoma, Txizimu txa ka Israyeli, a to ningela Seyoni ni vathu vakwe votshe, manzani ka va ka Israyeli, ve va khozisa; se Israyeli a to teka dotshe ditiko da Vaamori, ava va nga ti akile ka ditiko dile.

Valamuli 11:21 Referans Kwoze

Mitengo 21:24

Se Israyeli a to va tholetela ngu matxhari, e va khozisa, e teka ditiko dawe, kukhukhela Arnoni kala Jabhoki, kala ka vanana va ka Amoni; nguko m'hingano wa vanana va ka Amoni, wu ti ti ni mkhokhola wa hombe.

Dhewuteronome 2:32

Seyoni a to ti huma ni vathu vakwe votshe e hi hingeta, kasi kutalwa ni nathu kona Jahaza.

Valamuli 11:20

Aniko Seyoni a to kaneta mapswi a txikombelo txa va ka Israyeli, kha tumela ti to ve pinda ngu ditikoni kwakwe, a to sengeleta dotshe dibutho dakwe da yimbi, a txi ya gova Jahaza, e yalwa ni va ka Israyeli.

Eksodha 23:31

Ni na komba muhingano wako, kukhukhela ka Linene lo Bhilivila kala ka Linene la Vafilista, ni kukhukhela txiwulani kala mnamboni. Ni na ningela manzani kwako vaaki va ditiko donedo, ati to u na va tutumisa hafuhi kwako.

Joxuwa 6:2

Sekoko Mkoma a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

2 Makronika 13:5

Kha mi tizivi ti to Mkoma Txizimu txa Israyeli txi ningite wukoma wa va ka Israyeli ka Dhavhidha ni ka vanana vakwe, ngu txitumelelano txa m'nyu kani?

2 Makronika 13:16

Se vanana va ka Israyeli va to thava masoni ka va ka Judha, Txizimu txi va ningela manzani ka va ka Judha.

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.