Valamuli 11:2 - Bhiblia Yo Sawuleka

² Nene msikati wa Gileyadhi, a m'velekete vanana, se mbimo yi vanana va wu wamsikati va nga kula, va to tutumisa Jefta, va txi m'gela ku kha vona: “Khu na mbi va ni thomba nyumbani ka tate wathu, nguko u mwanana wa mmwani wamsikati.”

Valamuli 11:2 Referans Kwoze

Mavingu 2:16

kasi ku kutxhatxhisa ka wamsikati wa walo, kambe wa mamwani matiko, a tshambiselako ngu mapswi akwe,

Dhewuteronome 23:2

Ni wammweyo wo velekwa wugangoni, kha na mbi wulela msengeletanoni ka Mkoma; hambi liveleko lakwe la wugumi, kha li na mbi wulela msengeletanoni ka Mkoma.

Genesisi 12:10

Ka ditiko donedo ku to humelela nzala, se Abramu a to relela a txi ya Egipta, kasi kuya zumba kona, ngako nzala i nga ti ya hombe ha mafuni.

Mavingu 5:20

Se mwanangu, u ndi na navetiswa kutxani ngu dibhemba, se u khutarela titshumbu ta wa matiko kani?

Mavingu 5:3

Nguko txisofu txa wamsikati wa dibhemba txi humisa sihesa sa wulombe, mkanani kwakwe ku rawula kupinda mafura;

Vagalatiya 4:30

Kambe mibhalo yi womba txani kani? Yi womba tito: “Tovela wamsikati wa khumbi ni mwanana wakwe, nguko mwanana wa khumbi, kha na mbi dya thomba kumweko ni mwanana wa wule wo tekwa.”

Valamuli 11:1

Sekoko Jefta, Mugileyadhi, i ti ti ndena ya mtamo; kambe i ti ti mwanana wa digelegele; aniko tate wakwe i ti ti Gileyadhi.

Valamuli 11:3

Sekoko Jefta a to tutuma a txi thava vanakwe, se a txi ya zumba ditikoni ka Tobha; kambe vavamna vokari va sindaka-milayo va to patana ni Jefta, va txi xoma kumweko nayo.

Genesisi 21:10

a to womba ka Abrahamu, a txi khene: “Tutumisa khumbiyo ni mwanana wa yona, nguko mwanana wa khumbi kha na kusikota kudya thomba ni Isaake, mwanana wangu.”