Valamuli 11:10 - Bhiblia Yo Sawuleka

¹⁰ “Se madhota a Gilelyadhi ma to kha ona ka Jefta: Mkoma a na va fakazi hagari kwathu, nguko hi na maha madingano ni dipswi dako!”

Valamuli 11:10 Referans Kwoze

Jeremiya 42:5

Sekoko vona va to kha vona ka Jeremiya: Mkoma ngene fakazi yathu ya ditshuri yo thembeka, ngako hi si mahi totshe ti Mkoma, Txizimu txako, a no kuruma ku ta hi gela tona.

Genesisi 31:50

“Ngako u txi xupha vanana vangu, kambe ngako u txi teka vamwani vasikati, hahanze ka vanana vangu, hambiko ku si nga ni m'thu hagari kwathu, ti zive ti to Txizimu i fakazi hagari kwangu ni nawe.”

Jeremiya 29:23

Nguko va mahile wuphuta muwa ka Israyeli, ngu kuotela ni vasikati va vaakelani vawe, ni kuwombawomba makuhu ngu ditina dangu, i ku ti ni nga mbi va laya. Ani na tiziva, ni fakazi ya tona eto, kuwomba Mkoma.

Genesisi 16:5

Sekoko Sarayi a to khene ka Abramu: “Awe ngawe u fanelako kuwona mhaka ya kuruketelwa kwangu. Ni vekile txithumi txangu mawokoni kwako, se kukhukhela kuwa a nga wona ti to ana ni txirumbu, ani kha ni nga wa txilo masoni kwakwe. Txizimu txi na hi lamule ka mhaka yangu ni nawe!”

2 Vakorinto 11:31

Txizimu ni Tate wa Mkoma Jesu Kristu, txi dhumisekako kala kupinduka, txa tiziva ti to kha ni wombi makuhu:

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Zakariya 5:4

Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

1 Samuwele 24:12

Mkoma a na lamule hagari kwangu ni nawe, ni ku ni photela kwako; kambe dianza dangu kha di na mbi kuwukela.

1 Samuwele 12:5

Se Samuwele a to khene kwawe: Mkoma i fakazi yangu masoni kwanu, kumweko ni wule a nga totwa i fakazi nyamsi, ya ti taku, kha kwa maneka txilo manzani kwangu. Se vathu va to kha vona: A nave fakazi.

Dhewuteronome 1:16

Ka mbimo yoneyo, ni leletete ka vathangeli vanu ni txi khani: Engisani timhaka ta vananu, mi txi lamula ngu kululama mhaka ya m'thu ni mwanawe, mwendo ni mluveli wu a hanyako nayo.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Genesisi 31:53

Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.

Genesisi 21:23

Konkuwa, xambanya ngu Txizimu kwangu kona hawa, ti to khu na mbi womba makuhu, hambi ni mwanana wangu, mwendo mtukulu wangu; aniko u na thembeka kwangu ni ka dona ditiko diya u ku muwuyi ka dona, nga kule nani ni nga wona kuthembeka kwako.”

Varoma 1:9

Nguko Txizimu txi, ni txi khozelako moyani kwangu ngu kutxhumayela Evhangeli ya Mwanana wa txona, ngu txona i ku fakazi yangu ka ti to kha ni leki ku mi alakanya;

Valamuli 11:9

Sekoko Jefta a to khene ka madhota a Gileyadhi: “Ngako mi di tete ku ta ni teka kasi ku hi txi yalwa ni vanana va ka Amoni, ni ku Mkoma a txi va ningela manzani kwangu, sekoko ani ni na maha mthangeli wanu kani?”

Mika 1:2

Engisani motshenu anu vathu, riya nzeve awe mafu, Mkoma Txizimu a nave fakazi ya ku mi wukela, ene Mkoma wu a ku dithepeleni kwakwe ko sawuleka.