Valamuli 10:9 - Bhiblia Yo Sawuleka

⁹ Hambi vanana va ka Amoni va to txhatuka Jordhani, va txi yalwa ni va ka Judha, ni va ka Bhenjamini, ni va nyumba ya ka Efrayime; aha ka kuza Israyeli e mana kuxaniseka ka hombe.

Valamuli 10:9 Referans Kwoze

2 Makronika 15:5

Ka mbimo yoneyo ku si na kuthutha ka va va humako hambi ka va va wulelako, vathu va ditiko dile va ti ti hanya ka xomulo ya hombe ngutu.

2 Makronika 14:9

Zera Muetiyopiya a to huma ni dibutho da yimbi da 1.000.000 wa vavamna, kuya wukela Asa, ni 300 wa sikotxikani ve hoka Maresa.

1 Samuwele 28:15

Samuwele a to khene ka Sawule: U ni xanisela txani ngu ku ni dhana ni huma mafuni kani? Sekoko Sawule a to khene: Ni to pandiseka ngutu, nguko Vafilista valwa ni nani, se Txizimu txi ni lekile, kha txi ni xamuli kambe, hambi ngu ka vaprofeti, hambi ngu ka miloro. Ngu kumaha keto ni kudhani kasi ku ta ni gela ti ni dinganako ku ti maha.

Dhewuteronome 28:65

Hagari ka onawo matiko, khu na mbiswa u txi mana kuthutha, ni mkondo wako kha wu na mbi mana wukhalo wo humula ka wona. Koneyo, Mkoma a na kuninga mbilu yo dhudhumela, a na kuninga maso o zengela, ni kuhefemula ka madidikhana.

Valamuli 10:8

Se ka dona edo dilembe, va to xupha ni kuxanisa vanana va ka Israyeli; va va xanisile mndani ka digumi da malembe ni mtxhanu ni mararu, votshe vanana va ka Israyeli, avale va nga ti akile mtxhatuko ka Jordhani, ditikoni ka Vaamori, kona Gileyadhi.

Valamuli 10:10

Sekoko vanana va ka Israyeli va to peka huwa ka Mkoma, va txi kha vona: “Hi kuonhete, nguko hi tshuralete Txizimu txathu, hi thumela va ka Bhahali.”

Valamuli 11:4

Se ku to maheka taku, msana ka masiku okari, vanana va ka Amoni va to xoma, va txi yalwa ni va ka Israyeli.

Valamuli 2:15

Ni hani mu va nga txi humela kona, dianza da Mkoma di ti va wukela ngu wubihi, nga ti Mkoma a nga ti ti wombile, ni ti Mkoma a nga ti xambanyile; se va ti ti kuxuphekani ka hombe.

Valamuli 6:2

Se Vamidhiyani va to xanisa ngutu vanana va ka Israyeli. Se vanana va ka Israyeli va to tutumela maphalani ka mimangoni ni mu tiphakoni ni mu mibhalani.

1 Samuwele 13:6

Va di ti woni koko vavamna va ka Israyeli to va xomuloni (nguko vathu va ti ti kamekile), vathu va to barama amu ka tiphako, ni amu ka mipa, ni hagari ka marigwi, ni amu ka sisima, ni maphalani,