Valamuli 10:4 - Bhiblia Yo Sawuleka

⁴ Kambe a ti ti ni magumi mararu a vanana, avale va nga txi gadha timbongola ta magumi mararu; se va ti ti ni magumi mararu a madhoropa, aale ma dhanwako ku i Havhote-Jayiri, kala ka ditshiku da nyamsi; aale ma ku ditikoni ka Gileyadhi.

Valamuli 10:4 Referans Kwoze

Mitengo 32:41

Se Jayiro, mwana Manasi, a to teka mikhokhola yakwe, e yi dhana ti to i Havhote-Jayiro.

Valamuli 12:14

Se ene a ti ti ni mune wa magumi a vanana va vafana, ni magumi mararu a vatukulu, va nga ti gadha mtxhanu wa magumi ni mambidi a timbongola; se a to lamula Israyeli, amu ka mtxhanu wa malembe ni mararu.

Valamuli 5:10

Anu mi gadhako timbongola to basa, anu mi khalahatshako ha matahoni, ni nanu mi tsimbilako ngu tinzila, embelelani!

Dhewuteronome 3:14

Jayiri, mwana Manasi, a tekile dotshe ditiko da Argobha, kala mihinganoni ka va ka Gesuri, ni va ka Mahakate, a txi di raya ditina dakwe, madhoropa a Bhasani, ni nyamsi ni kuwa, ma ngadi ma txi dhanwa ku i madhoropa a ka Jayiri).

Valamuli 10:3

Se msana kwakwe, ku to humelela Jayiri, Mugileyadhi, awule a nga maha mlamuli wa va ka Israyeli, amu ka magumi mambidi a malembe ni mambidi.

Valamuli 10:5

Se Jayiri a to fa, a txi ya tshotshwa Kamoni.

2 Samuwele 16:2

Se mfumeli a txi khene ka Zibha: U lava txani ni siya kani? Zibha a to khene: Timbongola tiya ti na gadhwa ngu va nyumba yako awe mfumeli; mapawu ni mihando ya mbimo ya kuhisa si na va sakudya sa vafana, se vhinya yi na selwa ngu vale va no karala txiwulani.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.