Valamuli 10:17 - Bhiblia Yo Sawuleka

¹⁷ Se vanana va ka Amoni va to rambana va txi ya gova Gileyadhi. Ni vona va ka Israyeli va to sengeletana va txi ya gova Misipa.

Valamuli 10:17 Referans Kwoze

Valamuli 11:29

Sekoko konako Moya wa Txizimu, wu to khandama ka Jefta, se Jefta a to tshawunyeta ditiko da Gileyadhi ni da Manasi, a txi pinda ngu Misipa wa Gileyadhi a txi ya ditikoni ka va ka Amoni.

Valamuli 11:11

Ngu kumaha keto, Jefta a to tsula ni madhota a Gileyadhi. Se vathu va to m'veka kuva msungo ni mthangeli wawe; kambe Jefta a to womba otshe mapswi akwe masoni ka Mkoma, kona Misipa.

Genesisi 31:49

Awu rayilo kambe ditina daku i Misipa, nguko a ti khene: “Mkoma a nave muwoneleli hagari kwangu ni nawe, ngako hi txi hambana mmwani ni mmwani.”

Valamuli 10:18

Sekoko, vathu ni vathangeli va Gileyadhi, va to wotisana va txi kha vona: “I mani wamwamna wu a no khata ene a txi lwa ni va ka Amoni kani? Eneyo a na va i di mthangeli hagari ka votshe vaaki va Gileyadhi.”

Valamuli 11:4

Se ku to maheka taku, msana ka masiku okari, vanana va ka Amoni va to xoma, va txi yalwa ni va ka Israyeli.

Valamuli 11:34

Mbimo yi Jefta a nga ti wuya m'tini kwakwe ka Misipa, mwanana wakwe wa dihorana a to huma a txi ya mu hingeta na a txi sinya ni kuveta singomana. I ti ti mwanana wakwe wammweyo ekha wa dihorana, hahanze kwakwe a ti sina mmwani mwanana wa mfana hambi wa dihorana.

1 Samuwele 7:5

Samuwele a to engeta, a txi khene: Sengeletani votshe va ka Israyeli kona Misipa, aniko na mi kombelela ka Mkoma.

Joxuwa 13:26

ni kukhukhela Hesibhoni kala Ramati-Misipa ni Bhetomima; ni kukhukhela Mahanayime kala ditikoni ka mihinganoni ka Dhebhiri;

Valamuli 11:6

Se ma to kha ona ka Jefta: “Ngono, u ta maha mthangeli wathu, kasi ku hi txi lwa ni vanana va ka Amoni.”