Valamuli 10:15 - Bhiblia Yo Sawuleka

¹⁵ Aniko vanana va ka Israyeli va to kha vona ka Mkoma: Hi onhile! Maha ngu ngathu ati u ti wonako i di tinene masoni kwako; aniko ha kukombela ti to u txi hi hulukisa ka ditshiku da nyamsi.

Valamuli 10:15 Referans Kwoze

1 Samuwele 3:18

Sekoko Samuwele a to m'gela totshe timhaka tile, asi msiseli txilo. Se Eli a to khene: I Mkoma; a na mahe ti i ku ta tinene masoni kwakwe!

2 Samuwele 15:26

Kambe nga ku Mkoma a txo khene: Kha ni ku tsakeli; ngani wuwa, a na mahe kudhunda kwakwe ngu ngani.

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

2 Samuwele 24:14

Sekoko Dhavhidha a to khene ka Gadhi: Ni ha kuxanisekani ka hombe; kambe he weleni manzani ka Mkoma, nguko wumbilu wakwe mbwa hombe ngutu; aniko manzani ka vathu ni nga wele kona.

Joxuwa 9:25

Se konkuwa wona taku hi manzani kwako, maha ti u ti wonako i di ta tinene kwako, na ti di lulamile ku u txi hi maha.”

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

2 Samuwele 10:12

Ngu toneto, koko, tsana, a hi tsaneni hi lwela vathu ni madhoropa a Txizimu txathu; sekoko Mkoma a na mahe ti ti wonekako i di ta tinene masoni kwakwe.

Jona 2:4

Se ani nokha ni ti khani: Ni rinzilwe kule ni khohe yako; hambi keto, ni na engeta ni wona dithepele dako do sawuleka.

Jobe 33:27

A na wona vathu, a txi khene: Ni onhile, ni ndakile mlayo, aniko kha ta ni vhuna txilo.

2 Samuwele 24:10

Se msana kova va di batwe vathu, mbilu ya Dhavhidha yi to panda, kambe Dhavhidha a to khene ka Mkoma: Ni onhile ngutu ngu ti ni nga maha, kambe konkuwa, awe Mkoma, ni kombela ku u thavisa kuonha ka txithumi txako, nguko ni mahile wuphukuphuku wa hombe.

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

1 Samuwele 12:10

Se va to dila ka Mkoma va txi kha vona: “Hi onhile, nguko hi lekile Mkoma, se hi ya thumela va ka bhahali ni va astarote; konkuwa koko, hi txhatxhise manzani ka valala vathu, hi na kuthumela.”

1 Samuwele 7:6

Se va to sengeletana kona Misipa, ve reka mati ve ma theletela masoni ka Mkoma, kambe ka ditshiku donedo va to titona kudya, va txi kha vona: Hi onhete Mkoma. Se Samuwele a to lamula vanana va ka Israyeli kona Misipa.

Isaya 26:16

Mkoma va ku endete kuxanisekani kwawe; mbimo yile txitsayiso txako txi ngata txitimwi kwawe, va to tshakunuta mkombelo wawe wa txihunja.