Valamuli 1:33 - Bhiblia Yo Sawuleka

³³ Naftali kha nga za e tutumisa vaaki va Bheti-Semesi, hambi vaaki va Bheti-Anati; kambe a to aka hagari ka Vakanana vale va nga ti akile ditikoni mule, aniko vaaki va Bheti-Semesi ni va Bheti-Anati, va to khupiswa ngu va ka Naftali.

Valamuli 1:33 Referans Kwoze

Masalmo 18:24

Mkoma a ni txhatxhazete, madingano ni wunene wangu madingano ni mahanyelo angu o lulama masoni kwakwe.

Valamuli 1:35

Kambe Vaamori va to simama ve aka mimangoni ka Heresi, kona Ajaloni ni Sahalabhime; aniko dianza da nyumba ya ka Josefa di to simama ku va khupisa.

Valamuli 1:30

Zebhuloni kha nga za e tutumisa vaaki va Kitroni, hambi vaaki va Nahaloli; aniko Vakanana va ti ti akile hagari ka va ka Zebhuloni, va txi khupiswa.

Joxuwa 15:10

Kukhukhela Bhahala, muhingano wa tenderuka, ngu mswa-ditambo, wu txi komba kuya mmangoni ka Seyiri, na wu txi pinda ngu mthekani ka mmango wa Jeiyarime, wu txi komba kuya wuphemba i ku Kesaloni, wu txi relela ngu Bheti-Semesi, wu txi tshawunyeta Timina,

Valamuli 1:32

aniko va ka Aseri va to aka hagari ka Vakanana vale va nga ti akile ditikoni mule; nguko kha va va tutumisa.

Valamuli 1:34

Se Vaamori va to xanisa vanana va ka Dhani, kala kuya hoka mmangoni; nguko va ti si va leki va txi relela mkovani.