Valamuli 1:3 - Bhiblia Yo Sawuleka

³ Sekoko, Judha a to khene ka Simiyoni, mwanawe: Kwela kumweko ni nani, hi txi ya ka ditiko di i ku txyavelo txangu, ku yalwa ni Vakanana, se nani ni nata kwela ni nawe, hi txi ya ka ditiko di i ku txyavelo txako. Se Simiyoni a to tsula nayo.

Valamuli 1:3 Referans Kwoze

2 Samuwele 10:11

Se a to khene: Ngako Vasiriya va di ni mtamo ngutu kupinda ani, u nata, u ta ni vhuna, kambe ngako vanana va ka Amoni va di ni mtamo kupinda awe, ni nata ni ta kuvhuna.

Valamuli 1:17

Judha koko a to tsula ni Simiyoni, mwanawe, va txi yalwa ni Vakanana, vale va nga ti akile Zefati, kambe va to va lovisa votshe, se ve raya didhoropa diya, ditina daku i Horma.

Joxuwa 19:1

Txyavelo txa wumbidi txi ningilwe va ka Simiyoni, ka lihunzu la vanana va ka Simiyoni, madingano ni timwaya tawe: Thomba yawe yi maneka ngu hagari ka thomba ya vanana va ka Judha.

Genesisi 29:33

Se a to mana kambe txirumbu e veleka mwanana wa mfana, a txi khene: “Mkoma a engisile ti to ani kha ni randwi, se e ni ninga kambe wuwa. Se a to mraya ditina daku i Simiyoni.”

Valamuli 1:2

Se Mkoma a txi khene: “I Judha a no kwela; wonani taku ni niningete ditiko diya manzani kwakwe.”

Valamuli 1:4

Kambe Judha a to kwela, se Mkoma e ningela Vakanana ni Vaferezi manzani kwakwe, kudawa vathu vo dingana 10.000 wa vavamna, kona Bhezeki.

Mtuletelo 7:7

Va lihunzu la Simiyoni i ti 12.000 wa vathu; va lihunzu la Levhi i ti 12.000 wa vathu; va lihunzu la Isakari i ti 12.000 wa vathu.