Valamuli 1:27 - Bhiblia Yo Sawuleka

²⁷ Hambi Manasi kha tutumisa vaaki va Bheti-Sayami, ni va vamakhalo o fumwa ngu ngene; hambi va a Tahanaki, ni va makhalo o fumwa ngu ngene; hambi vazumbi va Dhori, ni makhalo o fumwa ngu ngene; hambi vazumbi va Ibleyamu, ni va makhalo o fumwa ngu ngene; hambi vazumbi va Megidhu, ni va makhalo o fumwa ngu ngene; se Vakanana va to simama ve zumba ka dona ditiko edo.

Valamuli 1:27 Referans Kwoze

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

1 Samuwele 15:9

Se Sawule ni vathu vakwe va to divalela Agage, ni tinvuta takwe ta ti nene ni tihomu takwe, tihamba, ni simwani sa lisima, kha va lava ku si lovisa do gwita; kambe sotshe simaha sa kwa mbi vhuna txilo ni sa kwa mbi na lisima va to si lovisa do gwita.

Valamuli 5:19

Vafumeli va tile va txi ta lwa, vafumeli Vakanana va lwite ditikoni ka Tahanaki, mabambe ka mati a Megidhu, aniko, kha va teka simaha sa kuhonyola sa silivhela.

Valamuli 1:1

Se ku to maheka taku msana ka kufa ka Joxuwa, vanana va ka Israyeli, va to wotisa ka Mkoma, va txi kha vona: I mani hagari kwathu a no khata ene e kwela, a txi ya ka Vakanana, ku yalwa navo kani?

Joxuwa 21:25

Ka hafu ya lihunzu la ka Manasi, kuhumile Tahanake ni wudyiselo wa kona, ni Gati-Kimoni ni wudyiselo wa kona: Madhoropa mambidi.

Dhewuteronome 7:2

Ngako Mkoma, Txizimu txako, a txi ma ningela kwako, awe u txi ma khozisa, u ma fuvisa ni ku ma lovisa, u nga mahe txitumelelano nawo, kambe u nga ma mahele wumbilu.

Eksodha 23:32

U nga mahe txitumelelano navo, ni sizimu sawe.

Valamuli 1:26

Sekoko, wamwamna wule, a to rura a txi tsula ka ditiko da Vaheti, a txi ya aka didhoropa adi a ngadi raya ditina daku i Luza; adiya nditina da dona kala ka ditshiku da nyamsi.

Valamuli 1:28

Se ku to maheka taku, ngako va ka Israyeli va di mani mtamo, va to khozisa Vakanana, aniko kha va va tutumisa votshe.

2 Vafumeli 9:27

Mbimo yile Akaziya, mfumeli wa ka Judha, a nga wona tile ti nga maheka, a to tutuma ngu nzila ya thembweni, aniko Jehu a to mlondeta, a txi khene: Mpekeni nene Akaziya amu ka txikotxikani txakwe, wa kwelela kuya Guri, hafuhi ni Ibleyawu. Se a to tutuma a txi ya Megidhu, eya fela kona.

Valamuli 1:21

Kambe vanana va ka Bhenjamini kha va tutumisa Vajebhusi vale va nga ti Jerusalema, kukhukhela ka kale Vajebhusi va akile Jerusalema kumweko ni vanana va ka Bhenjamini, kala ka ditshiku da nyamsi.

1 Samuwele 31:10

Se va to veka matxhari akwe dithepeleni kona Axitarote, kambe txirumbi txakwe va to ya txigogotela ka diguma da Bheti-Seyani.

1 Vafumeli 9:21

ka vanana vawe vale va nga sala ditikoni, avale va nga mbi fuviswa do gwita ngu vanana va ka Israyeli, Solomoni a to va maha tikhumbi to mthumela, kala ni nyamsi.

2 Vafumeli 23:29

Ka masiku akwe, a to kwela Faro-Neko, mfumeli wa Egipta e lwisa mfumeli wa Asiriya, mnamboni ka Ewufrate; se mfumeli Josiya a to mu hingeta; mbimo yile ene a nga muwona a to m'daya ditikoni ka Megidhu.