Valamuli 1:23 - Bhiblia Yo Sawuleka

²³ Se va nyumba ya ka Josefa va to rumela tixoli kuya xola Bheteli (se ditina da kale da didhoropa diya i Luza).

Valamuli 1:23 Referans Kwoze

Genesisi 28:19

Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.

Genesisi 48:3

Se Jakobe a wombile ka Josefa, a txi khene: Txizimu txa Mtamo-Wotshe, txi ti wonekisile kwangu ni di niya Luza, ditikoni ka Kanana, txi ni katekisa,

Genesisi 35:6

Jakobe a to hoka Luza, ditikoni da Kanana (i ku Bheteli), ene ni votshe vale a nga ti navo.

Valamuli 18:2

Se vanana va ka Dhani, va to rumela ngu ka lihunzu lawe, mtxhanu wa vavamna va tindena, va mihinganoni kwawe, va kuta ngu Zora ni Exitawoli, kasi kuya xola ni kuya ziva ditiko; se va to va gela ku kha vona: “Tsulani mi ya zivisisa ditiko.” Va to tsula mmangoni ka Efrayime, kala m'tini ka Mika, eho va nga ya otela kona.

Joxuwa 7:2

Joxuwa koko a di Jeriko, a to rumela vavamna vokari va txi ya Ayi, ku ku hafuhi ni Bheti-Avheni, ngu didhawa da wutxani ka Bheteli, a txi va gela tiya: “Tsulani mi txi ya xola ditiko.” Vavamna vale koko, va to tsula kuya xola ditiko da Ayi.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Joxuwa 18:13

Ngu koneyo, muhingano wu pinda ngu Luza, nyamsi i ku Bheteli, ngu diphambo da wulambwe, wu txi relela ngu Azoti-Adhari, ngu mmango wu wu ku ngu wulambwe ka Bheti-Horoni wa hahatshi.

Valamuli 1:22

Se va nyumba ya ka Josefa ni vona, va to kwela va txi ya Bheteli, se Mkoma a ti ti kumweko navo.

Joxuwa 16:1

Txyavelo txa ditiko, atxi txi nga lumba vanana va ka Josefa, txi khukhela mnamboni ka Jordhani, ngu diphambo da wutxani masoni ka Jeriko, ngu wutxani ka sisima sa Jeriko muhingano wa kona wu txi khukhela txiwulani ka Jeriko kala mmangoni ka Bheteli.

Joxuwa 16:2

Muhingano wu khukhela Bheteli wu txi komba Luza, wu txi pinda ngu hafuhi ka ditiko da Vaarike, aniya Atarote;