Valamuli 1:22 - Bhiblia Yo Sawuleka

²² Se va nyumba ya ka Josefa ni vona, va to kwela va txi ya Bheteli, se Mkoma a ti ti kumweko navo.

Valamuli 1:22 Referans Kwoze

Valamuli 1:19

Se Mkoma a ti ti kumweko ni va ka Judha, kambe a to fuvisa vazumbi va mimangoni, aniko kha tutumisa vaaki va Libalani, nguko va ti ti ni sikotxikani sa tisimbi.

Mtuletelo 7:8

Va lihunzu la Zebhuloni i ti 12.000 wa vathu; va lihunzu la Josefa i ti 12.000 wa vathu; va lihunzu la Bhenjamini i ti 12.000 wa vathu va nga vekwa txikombiso.

1 Makronika 7:29

se ka didhawa da vanana va ka Manasi, i Megidhu, ni makhalo o fumelwa ngu ngene, Tahanaki ni makhalo o fumelwa ngu ngene, Dhori ni makhalo o fumelwa ngu ngene; ka ona ku to aka vanana va Josefa, mwanana wa Israyeli.

2 Vafumeli 18:7

Ngu konaho, Mkoma a ti ti ni nene, ni hayi ha a nga txi maneka kona, a txi tsimbila ngu kutiwonela; a to lwisa mfumeli wa Asiriya kha mthumela.

Joxuwa 14:4

Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho.

Mitengo 1:32

Ka vanana va Josefa, ni ka vanana va Efrayime, ngu tiveleko tawe ni mimwaya yawe, madingano ni tinyumba ta vatate vawe, va bhatwe ngu matina a votshe vavamna va magumi mambidi a malembe ni kuya masoni, avale va dingano kuya yimbini.

Mitengo 1:10

Ka vanana va Josefa: Ka Efrayime, i Elisama, mwana Amiyudhe; ka Manasi, i Gamaliyeli, mwana Pedhazuri.

Genesisi 49:24

Aniko wulaho wakwe wu zumbile wu di tsani, ni misiha ya mawoko akwe yi tsanisilwe, ngu manza a Ndena ya Jakobe (eho i ku M'dyisi ni Dirigwi da Israyeli.)

Joxuwa 8:12

Joxuwa a to teka kambe 5.000 wa vavamna, a txi va veka ve baramela va ti hagari ka Bheteli ni Ayi, ngu mswa-ditambo ka didhoropa.

Valamuli 1:21

Kambe vanana va ka Bhenjamini kha va tutumisa Vajebhusi vale va nga ti Jerusalema, kukhukhela ka kale Vajebhusi va akile Jerusalema kumweko ni vanana va ka Bhenjamini, kala ka ditshiku da nyamsi.

Valamuli 1:23

Se va nyumba ya ka Josefa va to rumela tixoli kuya xola Bheteli (se ditina da kale da didhoropa diya i Luza).