Valamuli 1:19 - Bhiblia Yo Sawuleka

¹⁹ Se Mkoma a ti ti kumweko ni va ka Judha, kambe a to fuvisa vazumbi va mimangoni, aniko kha tutumisa vaaki va Libalani, nguko va ti ti ni sikotxikani sa tisimbi.

Valamuli 1:19 Referans Kwoze

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Masalmo 60:12

Ngu kuvhunwa ngu Txizimu hi na mana kuxula; nguko ngu txona txi no ganyatela valala vathu.

Valamuli 1:2

Se Mkoma a txi khene: “I Judha a no kwela; wonani taku ni niningete ditiko diya manzani kwakwe.”

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

2 Vafumeli 18:7

Ngu konaho, Mkoma a ti ti ni nene, ni hayi ha a nga txi maneka kona, a txi tsimbila ngu kutiwonela; a to lwisa mfumeli wa Asiriya kha mthumela.

2 Samuwele 5:10

Se Dhavhidha a to ya masoni ngu kuengetekelana ni kukula, nguko Mkoma Txizimu txa Mabutho a Tiyimbi a ti ti kumweko nayo.

Joxuwa 14:12

Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.

Joxuwa 7:12

Ngu mhaka yeto, vanana va ka Israyeli, kha va sikota kutsana masoni ka valala vawe; va to tutuma masoni ka valala vawe, ngako va nga ti nyenyezisa; kha ni na mbi va ni nanu, ngako mi si thavisi sile si nga yiliswa hagari kwanu.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Genesisi 39:2

Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

Joxuwa 6:27

Mkoma a ti ti kumweko ni Joxuwa; se nduma yakwe yi ti ti hangalaka ka dotshe ditiko.

Valamuli 4:3

Sekoko vanana va ka Israyeli va to peka huwa ka Mkoma, nguko Jabhini a ti ti ni 900 wa sikotxikani sa tisimbi, kambe a xuphile vanana va ka Israyeli mndani ka magumi mambidi a malembe.

Valamuli 4:13

Se Sisera a to tshanganisa sotshe sikotxikani sakwe sa 900, sa tisimbi, e ramba votshe vathu vakwe va yimbi, kukhukhela Heroseti-wa-vamatiko, kala mlongani ka Kixoni.

1 Samuwele 18:5

Se Dhavhidha a ti ti huma eya kotshe amu Sawule a nga ti ti mruma kona, na a txi tsimbila ngu kululama; aniko Sawule a to m'veka kuva mthangeli wa vathu va yimbi, kambe a ti ti tsakelwa ngu votshe vathu, hambi ngu sithumi sa Sawule.

1 Samuwele 18:12

Sawule a ti thava Dhavhidha, nguko Mkoma a ti ni nene kambe a ti khukhile ka Sawule.

1 Samuwele 18:14

Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene.