Valamuli 1:16 - Bhiblia Yo Sawuleka

¹⁶ Se ni vona vanana va ka Hobhabhe, Mkeni, wu i nga ti tate wa Mosi ngu ka msikati wakwe, va to khukha ngu didhoropani ka Mitxhese, kumweko ni vanana va ka Judha, veya txiwulani ka Judha, ku ku wulambwe ka Aradhi; va txi ya zumba ni vathu va kona.

Valamuli 1:16 Referans Kwoze

Valamuli 4:11

Se Hebheri, mkeni, a ti ti hambanisile ni Vakeni-kulowe, i ku vanana va Hobhabhe, tate wa Mosi ngu ka msikati wakwe, kambe a ti ti gwimbile matenda akwe, kala mkusuni ka Zahananimi, hafuhi ni Kedhesi.

1 Samuwele 15:6

Se Sawule a to khene ka Vakeni: Tsulani, khukhani, mi huma hagari ka Vaamaleki, kasiku mi si xaselwi kumweko navo, nguko anu mi kombisile wumbilu ka votshe vanana va ka Israyeli, mbimo yile va nga ti wuya ngu Egipta. Ngu kumaha keto, Vakeni va to khukha hagari ka Vaamaleki.

Dhewuteronome 34:3

ni Wuphemba, ni ka thembwe ya mkovani ka Jeriko, didhoropa da mitxhese.

Mitengo 21:1

Mfumeli wa Aradhi, mkanana, awu a nga ti akile ngu wulambwe, a di ti engisile taku Israyeli wa wulela ditikoni kwakwe ngu nzila ya Atarima, a to lwisa Israyeli, e ñola vamwani e va maha tikhumbi.

Valamuli 3:13

Se Egloni a to patana ni vanana va ka Amoni ni Vaamaleki, ve tsula ve yalwa ni va ka Israyeli, ve teka didhoropa da Mitxhese.

Valamuli 4:17

Sisera a to thava a txi tutuma ngu mikondo, a txi ya ditendani ka Jayeli, msikati wa Hebheri, mkeni, nguko ku ti ti ho kudikha hagari ka Jabhini mfumeli wa Hazori, ni nyumba ya ka Hebheri, mkeni.

Jeremiya 35:2

Tsula ka nyumba ya va ka Rekabhi, u txi ya womba-womba, u va heleketa Nyumbani ka Mkoma, ka wumwewo wa makhalo, u txi ya va ninga vhinya ve sela.

2 Makronika 28:16

Ka yoneyo mbimo, mfumeli Akazi, a to rumela txikombelo ka vafumeli va Asiriya, kasi kuvata m'vhuna.

1 Makronika 2:15

wa wutxhanu ni mmweyo i Ozemi, se ni Dhavhidha wa wutxhanu ni vambidi.

Joxuwa 12:14

mfumeli wa Horma, mfumeli wa Aradhi,

Eksodha 18:27

Sekoko Mosi a to satisana ni msade wakwe, se a txi tsula ditikoni kwawe.

Eksodha 18:12

Sekoko Jetro, msade wa Mosi, a to teka mningelo wo hiswa ni mphaxo, a txi tsula naso ka Txizimu; Aroni ni otshe madhota a ka Israyeli va tile ve ta dya mapawu kumweko ni msade wa Mosi, masoni ka Txizimu.

Eksodha 18:7

Sekoko Mosi a to huma e hingeta msade wakwe, a txi ya khizama masoni kwakwe e mpswopswa, va to khambana thenga, se ve wulela ditendani.

Eksodha 18:1

Jetro, mphaxeli wa Midhiyani, msade wa Mosi, a to engisa totshe ti Txizimu txi nga maha ka Mosi ni ka Israyeli, i ku vathu va txona; ngako Mkoma a nga ti humisile Israyeli ngu Egipta.

Eksodha 4:18

Sekoko Mosi a to khukha a txi ya ka Jetro msade wakwe, a txi ya m'gela tiya: “Na kombela u txi ni leka ni tsula ditikoni ka Egipta, kasi kuya wona vanathu, mwendo va ngadi va txi hanya.” Jetro a mxamute a txi khene: “Tsula ngu kuthutha.”

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Matewu 3:1

Ka ale masiku, ku humelete Johani M'bhabhatisi e txhumayela txiwulani ka Judheya,

Valamuli 1:15

Se Akisa a to m'gela ku khene: “Ni ninge txokari, ngako u nga ni ninga mafu a kuoma; ni ninge ni sona sisima sa mati.” Se Kalebhi a to mninga sisima sa hombe ni sa sidotho.

1 Samuwele 27:10

A txi khene kha Akisi: Mi xasete hani nyamsi kani? Dhavhidha a ti ti khene: Hi xasete Wulambe ka Judha, ni Wulambe ka Vajerameli, ni Wulambwe ka Vakeni.

1 Samuwele 30:29

ni va Rakali, ni ka vale va nga ti ti madhoropani ka Vajerameyeli, ni ka madhoropa a Vakeni,

Dhewuteronome 34:4

Se Mkoma a to m'gela a txi khene: Adiya, ditiko di ni nga thembisa ngu txixambanyo ka Abrahamu, ka Isaake, ni ka Jakobe, ni txi khani: “Ani ni na di ningela ka liveleko lako! Ani ni di kombisile kwako, kasi ku u na di wona ngu maso ako, kambe awe khu na mbi wulela ka dona.”

Joxuwa 18:21

Madhoropa a lihunzu la vanana va ka Bhenjamini, ngu mtengo wa timwaya tawe, ngu awa: Jeriko, Bheti-Hogila ni Ameki-Zixa,

1 Makronika 2:55

Se mimwaya ya vabhali vale va nga ti akile Jabhesi, i ti Vatirati, ni Vasimeyati, ni Vasukati; avava mbakeni vale va nga velekwa ngu Hamati, tate wa nyumba ya Rekabhi.