Valamuli 1:12 - Bhiblia Yo Sawuleka

¹² Se Kalebhi a to khene: “Awule a no khozisa Kiriyati-Siferi, a txi di teka, ni na mninga mwanana wangu wa dihorana Akisa, a txi maha msikati wakwe.”

Valamuli 1:12 Referans Kwoze

1 Samuwele 17:25

va txi kha vona: Ina mi mwoni wamwamna wule a kwelelako kani? Se a kwelete ku ta ruketela va ka Israyeli. Ku na maheka tito, awule a no m'daya, mfumeli a na mninga thomba yayingi ngutu, e mninga ni mwanana wakwe wa dihorana, ni kumaha ti taku nyumba ya tate wakwe yi txhatxheka ko diha khupo kona Israyeli.

1 Samuwele 18:23

Se sithumi sa Sawule si to gela Dhavhidha otshe mapswi awa. Sekoko Dhavhidha a to khene: Ina yi maneka i di mhaka ya yidhoto kwanu kuva mwane wa mfumeli, aku ani ni ku txisiwana txo eyiseka, kani?

Joxuwa 15:15

Koneyo a to khukha a txi yalwa ni vathu va Dhebhiri, didhoropa di, kale, di nga ti dhanwa ku i Kiriyati-Referi.

Valamuli 1:11

Se kukhukhela koneyo, a to tsula a txi yalwa ni vaaki va Dhebhiri (ditiko da Dhebhiri kale ka kona i ti ti Kiriyati-Siferi.)

Valamuli 1:13

Se Otoniyeli, mwana Kenazi, mnanda wa Kalebhi, a to di teka; aniko Kalebhi to mninga Akisa mwanana wakwe wa dihorana, a txi maha msikati wakwe.

Masalmo 60:9

I mani a no ni heleketa mkhokholani ka didhoropa kani? I mani a no ni heleketa kala Edhomi kani?

Jeremiya 29:6

Tekani vasikati, mi txi veleka sizambzana ni sihoranana; lowotani vafana vanu vasikati, ni kuningela mahorana anu ma txi tekwa ngu vavamna; va txi veleka sizambzana ni sihoranana; andani kheyo, mi nga hungulekeni.