Vahebheru 8:3 - Bhiblia Yo Sawuleka

³ Nguko, mphaxeli wa hombe, wuhi ni wuhi, a veketwe kasiku e maha miningelo ni timhamba. Ngu toneto, ta laveka ti to nene mphaxeli e va ni txilo txa kuningela.

Vahebheru 8:3 Referans Kwoze

Vahebheru 5:1

Ngu toneto, wuhi ni wuhi i ku Mphaxeli wa Hombe, kota nga ti a nga sawulwa hagari ka vathu-kulowe, a ni fanelo ya kuthumela vona vathu ka timhaka ti ti tsimbilelanako ni mthumo wa Txizimu, kasiku a txi maha miningelo ni timhamba ta kudihela sionho.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Johani 6:51

“Ani ni dipawu da kuhanya di nga txhika ngu nzumani. Awu a dyako dipawu diya a na hanya wutomi wo mbi guma. Dipawu di ni no mninga, ngu mmidi wangu ni no wu ningela ngu kulava kuhanyisa ditiko.”

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.

Varoma 5:6

Nguko mbimo yi hi nga ti sinzi kutsana, Kristu a fete vabihi ngu txikhati txiya txi nga ti vekilwe ngu Txizimu.

Varoma 5:8

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

Vahebheru 8:4

Nguko, idiku Kristu a ti ko vaho ha mafuni, nga i si nga mphaxeli ni ka kudotho, nguko vaho vaphaxeli va va humisako miningelo madingano ni sileleto sa mlayo.