Vahebheru 8:2 - Bhiblia Yo Sawuleka

² Ene i mthumeli wa wukhalo wo Sawuleka wa ditenda da ditshuri, di di nga akwa ngu Mkoma, i si nga ngu m'thu.

Vahebheru 8:2 Referans Kwoze

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Varoma 15:8

Na womba ti to Kristu a ti mahile mthumeli wa sithiva sa Vajudha, kasi kukombisa ditshuri da Txizimu ni kutsanisa sithembiso si si nga mahwa ka vatate vathu;

Eksodha 33:7

Se Mosi a to teka ditenda a txi ya di gwimba hahanze, kule ni wugovelo, ve di ningile ditina daku ditenda da msengeletano. Ni votshe vale va nga ti lava ku wotisa mhaka ka Mkoma, ayile yi nga ti va karata, va ti ti ya ka ditenda da msengeletano, hahanze ka wugovelo.

Vahebheru 11:10

Nguko, a ti rinzela kuwona didhoropa da kuakwa di di ni makhato o tsana, adiya mpimisi ni muaki wa dona i ku Txizimu.

Vahebheru 10:21

Hi ni mphaxeli wa mtamo a nga fumiswa nyumbani ka Txizimu.

Vakolosa 2:11

kwakwe kambe, mi yisilwe wukwerani, i si nga wukwera wo mahwa ngu manza a vathu, aniko mbukwera wa wukristu, wu wu hi thusako ka nyama yi yi onhako.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Eksodha 28:35

Aroni a na ambala a txi thuma, ati to ku txi pfala kutuma, mbimo yile a wulelako txiluveloni ko sawuleka ka Mkoma ni mbimo yile a humako ngu kona, kasi asi fi.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Eksodha 25:9

Mi na maha nyumba ni sotshe simaha sa kona nga ti ni no kukombisa ngu mfananiso wa kona.”

Vahebheru 9:1

Kha ditshuri, txitumelelano txile txo khata txi ti ni mlayo wa maphaxelo a timhamba, ni dithepele da kuakwa muwa mafuni.

Vahebheru 10:11

Kha ditshuri, mphaxeli wuhi ni wuhi wa Txitumelelano txa Kale, a humelela ngu mthumo wakwe wa kukhozela, otshe masiku, a txi wuyelela kuphaxa yoneyo mhamba ya yimweyo, sikhati sasingi, kambe yona kha yi sikoti kufuvisa txionho.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.